অসম লাইভ২৪ঃ এলন মাস্কে টুইটাৰ ক্ৰয় কৰাৰ পিছতেই টুইটাৰত আহিছে এটাৰ পিছত আনটো সাল-সলনি। মাস্কে টুইটাৰ কিনিয়েই সকলোৰে বাবে উপযোগী হোৱাকৈ টুইটাৰত কিছু পৰিবৰ্তন অনাৰ কথা উল্লেখ কৰিছে। আনহাতে মাস্কে টুইটাৰৰ দায়িত্ব লোৱাৰ পিছতেই কংগনা ৰাণাৱটেও শ্বেয়াৰ কৰিছে এটা বিশেষ পষ্ট। য’ত কংগনাৰ এজন অনুৰাগীয়ে মাস্কক কংগনাৰ টুইটাৰ একাউণ্টটো খুলি দিবৰ বাবে আহ্বান জনাইছিল।
মৰণ হোমাৰ নামৰ অনুৰাগীজনে কংগনাৰ টুইটাৰ একাউণ্ট সন্দৰ্ভত মন্তব্য কৰি কয় যে, সকলোৰে বাক স্বাধীনতা আছে। বাক স্বাধীনতাত নাকি লগাবলৈ গৈ বন্ধ কৰা টুইটাৰ একাউণ্টটো খুলি দিয়ক। হেজটেগ এলন মাস্ক। মাস্কে টুইটাৰৰ চৰাইজনী উৰুৱাই দিয়াৰ পষ্টটোৰ সৈতে সংলগ্ন কৰি ইউজাৰগৰাকীয়ে লিখিছে, ‘মুক্ত হওক বাক স্বাধীনতাও’
উল্লেখ্য যে, ইউজাৰগৰাকীৰ এই পষ্টটোকেই কংগনাই ইনষ্টাগ্ৰাম ষ্টৰীত শ্বেয়াৰ কৰিছে। ইয়াৰোপৰিও কংগনাই আন এটা ষ্টৰীও শ্বেয়াৰ কৰিছে য’ত লিখা আছে ‘টুইটাৰৰ নতুন CEOএলন মাস্ক। মাস্কে দায়িত্ব লৈয়েই বাই বাই দিছে পৰাগ আগৰৱালক।’ পূৰ্বেও কংগনাই এলনৰ হৈ সময়ে সময়ে ইনষ্টাগ্ৰামত পষ্ট দি আহিছে। মাত্ৰ কেইটামান দিন পূৰ্বেই কংগনাই লিখিছিল, ‘এলন জাগ্ৰত হৈছে। তেওঁৰ লক্ষ্যত কোনে হেঙাৰ হ’বই নোৱাৰে। তেওঁ বুদ্ধিজীৱী। তেওঁৰ বিপক্ষে থকা মানুহক তেওঁ কাহানিও গুৰুত্ব নিদিয়েই। মূৰ্খলোকেহে এলনৰ বিপক্ষে থিয় দিয়ে।’
চলিত বছৰৰে মাৰ্চ মাহত কংগণা ৰানাৱটৰ টুইটাৰ একাউণ্টটো সম্পূৰ্ণৰূপে বন্ধ হৈ পৰিছিল। টুইটাৰ লগ ইন কৰিবলৈ যাওঁতেই আহে ‘permanently suspended for repeated violations’ বুলি আহিছিল। কংগনাই ইয়াৰ কাৰণ জানিব বিচৰাত টুইটাৰৰ এজন মুখপাত্ৰই কংগনাক কৈছিল যে এই একাউণ্টটোৰ পৰা বাৰে বাৰে সমাজৰ ক্ষতি হোৱা পষ্ট শ্বেয়াৰ হয়। টুইটাৰে এই কাৰ্যকলাপক বাৰে বাৰে আৰু কৰিবলৈ সুযোগ নিদিয়ে। তেওঁলোকে কাৰো পক্ষপাতীৰে কাম কৰিব নোৱাৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
