অসম লাইভ ২৪ঃ পুনৰ চৰ্চাত বলীউড কুইন কংগনা ৰাণাৱট। এইবাৰ বিতৰ্কিত মন্তব্যৰে নহয়, এইবাৰ ছবিৰ বাবে চৰ্চাত কংগনা ৰাণাৱট। কংগণা ৰাণাৱটে নিজেই ঘোষণা কৰিলে তেওঁৰ প্ৰজেক্টৰ কথা। তামিলনাডুৰ প্ৰাক্তন মুখ্যমন্ত্ৰী জে জয়াললিতাৰ বায়’পিক ছবি ‘থালাইভি’ত অভিনয় কৰাৰ পাছত এইবাৰ দেশৰ প্ৰথম মহিলা প্ৰধানমন্ত্ৰী ইন্দিৰা গান্ধীৰ চৰিত্ৰ ৰূপায়ণ কৰিব কংগণা ৰাণাৱটে। অৱশ্যে ‘থালাইভি’ৰ দৰে এইখন বায়’পিক ছবি নহয়। কংগণা ৰাণাৱটৰ উপৰিও বহু জনপ্ৰিয় তাৰকাই এই ছবিখনত অভিনয় কৰিব। ‘থালাইভি’ৰ শ্বুটিং সমাপ্ত কৰি কংগণা ব্যস্ত একচন ছবি ‘ধাকৰ’ আৰু ‘তেজছ’ ছবিৰ শ্বুটিঙত। প্ৰথম মহিলা প্ৰধানমন্ত্ৰী ইন্দিৰা গান্ধীৰ ওপৰত নিৰ্মিত হ’বলগা ছবিখন এখন কিতাপৰ ওপৰত আধাৰিত। য’ত অপাৰেচন ব্লু ষ্টাৰ আৰু ইন্দিৰা গান্ধীৰ শাসনকালৰ দেশৰ জৰুৰী অৱস্থাৰ বিষয়ে ছবিখনত দেখুওৱা হ’ব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
