অভিনেত্ৰী তথা বিজেপি সাংসদ কংগনা ৰাণাৱটৰ সাধাৰণ যেন লগা ফেশ্বনে সকলোৰে দৃষ্টি আকৰ্ষণ কৰিছে। লগতে সমান্তৰালভাৱে সাংসদগৰাকীয়ে লগত নিয়া বেগ, ছাতি, তেওঁ পৰিধান কৰা শাড়ীৰ মূল্য জানি নেটিজেনৰ চকু কঁপালত উঠিছে।
দিল্লীৰ বৰ্ষাসিক্ত দিনটোত সংসদলৈ যোৱাৰ সময়ত কংগনাই পৰিধান কৰিছিল পাতল নীলা ৰঙৰ এখন শাড়ী। অসমৰ এৰি ছিল্কৰ শাড়ীখনত আছিল পৰম্পৰাগত আৰু আড়ম্বৰহীন সৌন্দৰ্য। কিন্তু তেওঁৰ এই সৰল সাজক বিশেষভাৱে আকৰ্ষণীয় কৰি তুলিছিল দামী আনুষংগিক সামগ্ৰীয়ে। বিশেষকৈ সকলোৰে দৃষ্টি আকৰ্ষণ কৰিছিল তেওঁৰ হাতত থকা ক’লা ৰঙৰ Hermès Birkin ব্ৰেণ্ডৰ হেণ্ডবেগটোৱে। ক’লা Togo leather-ৰে নিৰ্মিত এই বেগটোৰ আনুমানিক মূল্য প্ৰায় ৩৫ লাখ টকা বুলি জানিব পৰা গৈছে।
সংসদলৈ যোৱাৰ সময়ত কংগনাই শাৰী আৰু আনুষংগিক সামগ্ৰীবোৰকেই নিজৰ সৌন্দৰ্যৰ মূল আকৰ্ষণ হিচাপে ৰাখিছিল। কংগনাৰ এই সৰল লুকৰ আন এটা বিশেষ আকৰ্ষণ আছিল তেওঁৰ হাতৰ Rolex Lady-Datejust ঘড়ী। Chocolate brown dialযুক্ত এই ঘড়ীটোৰ আনুমানিক মূল্য প্ৰায় ২১ লাখ টকা। অৰ্থাৎ, কেৱল হেণ্ডবেগ আৰু ঘড়ীটোৰ মূল্যই মিলি প্ৰায় ৫৬ লাখ টকা হয়।
কেৱল বেগ বা ঘড়ীয়েই নহয় এই ফেশ্বন লুকত পিছ পৰি ৰোৱা নাই সাংসদ তথা অভিনেত্ৰীগৰাকীৰ ছাতিটোৱেও। বৰষুণৰ পৰা নিজকে ৰক্ষা কৰিবলৈ কংগনাই সংসদলৈ লৈ যোৱা সুন্দৰ ছাতিটো Good Earthৰ এটা printed umbrella, যাৰ মূল্য প্ৰায় ৬,১০০ টকা। Aqua-toned ছাতিটোৰ ওপৰৰ অংশত tropical-inspired print আৰু ভিতৰৰ ফালে graphic chevron pattern আছিল। ছাতিটোৰ wooden handle-এও ইয়াক এক আকৰ্ষণীয় ৰূপ দিছিল।
ছাতিটোৰ ৰং আৰু ডিজাইনে কংগনাৰ কোমল নীলা শাৰীখনৰ সৈতে সুন্দৰভাৱে মিলি গৈছিল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
