হিজাবৰ সমৰ্থনত প্ৰতিবাদ কৰা শিক্ষাৰ্থীসকলে এক তীব্ৰ আঘাত সহ্য কৰিবলগীয়া হৈছে। কৰ্ণাটক উচ্চ ন্যায়ালয়ৰ এক ৰায়ে হিজাবৰ সমৰ্থনত প্ৰতিবাদ সাব্যস্ত কৰা শিক্ষাৰ্থীসকলক মোক্ষম আঘাত দিয়া পৰিলক্ষিত হৈছে৷
মংগলবাৰে কৰ্ণাটক উচ্চ ন্যায়ালয়ে কৈছে যে হিজাব পৰিধান কৰাতো বাধ্যতামূলক ধৰ্মীয় প্ৰথা নহয়৷ হিজাব পৰিধান কৰাৰ নিষেধাজ্ঞাৰ বিৰুদ্ধে উচ্চ ন্যায়ালয়ত দাখিল কৰা সকলো আবেদন খাৰিজ কৰি কৰ্ণাটক উচ্চ ন্যায়ালয়ে চৰকাৰী সিদ্ধান্তকে মান্যতা দিলে৷
কৰ্ণাটক উচ্চ ন্যায়ালৰ এই ৰায়ৰ পিছতে প্ৰতিবাদকাৰী শিক্ষাৰ্থীসকলে ৰায়টোৰ বিৰুদ্ধে উচ্চতম ন্যায়ালয়ৰ দ্বাৰস্থ হোৱাৰ কথা সদৰী কৰিছে।
লগতে পঢ়ক কিৰণেৰে কিয় বিবাহ বিচ্ছেদ কৰিলে আমিৰে? কোন নাৰীৰ সৈতে সম্পৰ্ক আছে আমিৰৰ?
ইফালে কৰ্ণাটক চৰকাৰে হিজাব ৰায়ক লৈ হিংসাত্মক পৰিস্থিতিৰ সৃষ্টিৰ আশংকা কৰি এসপ্তাহৰ বাবে বাংগালুৰু চহৰত বৃহৎ সমাৱেশৰ ওপৰত নিষেধাজ্ঞা আৰোপ কৰিছে। মাংগালুৰুতো ১৫ ৰ পৰা ১৯ মাৰ্চলৈ সকলো বৃহৎ সমাৱেশ নিষিদ্ধ কৰা হৈছে। ৰায় প্ৰদানৰ দিনা হিজাব বিতৰ্কৰ কেন্দ্ৰবিন্দু উদুপীত সকলো বিদ্যালয় আৰু মহাবিদ্যালয় বন্ধ হৈ থকা দেখা গ’ল।
উল্লেখ্য যে যোৱা জানুৱাৰিৰ ১ তাৰিখে কৰ্ণাটকৰ উদুপীৰ এখন মহাবিদ্যালয়ত কিছুমান হিজাব পৰিহিত শিক্ষাৰ্থীক শ্ৰেণীত বহিবলৈ বাধা দিয়াৰ ফলতে হিজাব বিতৰ্কৰ সূত্ৰপাত ঘটিছিল। মহাবিদ্যালয় উন্নয়ন সংস্থাৰ সভাপতি বিজেপি বিধায়ক ৰঘুপতি ভট্টই স্পষ্ট কৰি দিছিল যে হিজাব পিন্ধাসকলক শ্ৰেণীত প্ৰৱেশ কৰিবলৈ অনুমতি দিয়া নহ’ব। ইয়াৰ পিছতে এই বিতৰ্কই দ্ৰুতগতিত ৰাজ্যজুৰি বিয়পি হিংসাত্মক বাদ প্ৰতিবাদলৈ ৰূপান্তৰ ঘটে৷
ইয়াৰ পিছতে কেইবাটাও হিন্দুত্ববাদী সংগঠনে হিজাবৰ বিৰুদ্ধে প্ৰতি-আন্দোলন আৰম্ভ কৰিছিল যাৰ ফলত ৰাজ্যখনৰ বিভিন্ন ঠাইত দুয়োপক্ষৰ মাজত হতাহতি পৰ্যন্ত সংঘটিত হৈছিল।
লগতে পঢ়ক ‘বাঘৰ নেগুৰেৰে কাণ খজুৱাই’ কাণত ধৰি উঠা বহা কৰিবলৈ বাধ্য হ’ল বিশ্ববিদ্যালয়ৰ ছাত্ৰী
হিজাব সমৰ্থিত প্ৰতিবাদকাৰী আৰু আৰক্ষীৰ সৈতেও কে’বাঠাইতো বিক্ষিপ্ত সংঘৰ্ষৰ সৃষ্টি হৈছিল। পৰিস্থিতি নিয়ন্ত্ৰণৰ বাবে কেইখনমান জিলাত প্ৰশাসনে ১৪৪ ধাৰা জাৰি কৰিবলৈ বাধ্য হৈছিল।
বিতৰ্কই গুৰুতৰ ৰূপ ধাৰণ কৰাৰ পিছতে ২৬ জানুৱাৰীত কৰ্ণাটক চৰকাৰে এই সন্দৰ্ভত এখন বিশেষ সমিতি গঠন কৰি দিয়ে। সমিতিখনে ন্যায়ালয়ে নিৰ্দিষ্ট ৰায় নিদিয়ালৈকে শিক্ষাৰ্থীসকলক শিক্ষানুষ্ঠানত কেৱল ইউনিফৰ্ম পৰিধান কৰিবলৈ নিৰ্দেশনা জাৰি কৰিছিল৷
লগতে পঢ়ক দ্বাদশ শ্ৰেণীৰ ৰাসায়ন বিজ্ঞানৰ প্ৰশ্ন কাকত ফাদিল ঘটনাৰ নতুন মোৰ
ইফালে উদুপীৰ কেইগৰাকীমান শিক্ষাৰ্থীয়ে চৰকাৰৰ সিদ্ধান্তৰ বিৰুদ্ধে কৰ্ণাটক উচ্চ ন্যায়ালয়ত এখন ৰিট আবেদন দাখিল কৰিছিল। তেওঁলোকে আদালতক কৈছিল যে হিজাব পিন্ধাটো তেওঁলোকৰ মৌলিক অধিকাৰৰ ভিতৰত পৰে।
১০ ফেব্ৰুৱাৰীত কৰ্ণাটক উচ্চ ন্যায়ালয়ৰ মুখ্য ন্যায়াধীশ ঋতুৰাজ অৱস্থী, ন্যায়াধীশ কে এছ দীক্ষিত আৰু ন্যায়াধীশ জে এম খাজীয়ে এক অন্তৱৰ্তীকালীন ৰায়দানত কয়, ‘‘ৰায় ঘোষণা নোহোৱালৈকে কৰ্ণাটকত বিদ্যালয়, মহাবিদ্যালয় খুলিব পাৰিব, কিন্তু কোনো শিক্ষাৰ্থীয়ে ধৰ্মীয় প্ৰতীক থকা কোনো পোছাক পিন্ধি আহিব নোৱাৰিব৷’’
ইয়াৰ পিছতে মংগলবাৰে উচ্চ ন্যায়ালয়ে হিজাব গোচৰটোৰ বিৰুদ্ধে ৰায় প্ৰদান কৰে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
