ভুৱা এনকাউণ্টাৰ চলোৱা অভিযোগত অভিযুক্ত হৈ নগাঁও এৰিবলৈ বাধ্য হৈছিল নিজকে চৰ্চাত ৰাখি আনন্দ পোৱা পূৰ্বৰ নগাঁৱৰ আৰক্ষী অধীক্ষক আনন্দ মিশ্ৰ৷
এগৰাকী ছাত্ৰ নেতাক IPS আনন্দ মিশ্ৰ বাহিনীয়ে ভুৱা এনকাউণ্টাৰ কৰি গুলীয়াই ৰাজ্যজুৰি কৰ্কথনা খোৱাৰ লগতে তদন্তৰ সন্মুখীনো হয়৷ ইয়াৰ পিছতে নগাঁৱৰ আৰক্ষী অধীক্ষক আনন্দ মিশ্ৰক অসম আৰক্ষীৰ উলুবাৰীস্থ মুখ্য কাৰ্যালয়লৈ বদলি কৰা হয়৷
লগতে পঢ়ক ৰাছিয়া ৰাষ্ট্ৰপতি পুটিনক সমুখ সমৰত অকলে যুঁজিবলৈ প্ৰত্যাহ্বান এলান মাস্কৰ
যোৱা ৯ ফেব্ৰুৱাৰিত গুৱাহাটীৰ মুখ্য কাৰ্যালয়লৈ বদলি হোৱাৰ ৩৩ টা দিনৰ পিছত সোমবাৰে আনন্দ মিশ্ৰই নগাঁৱত উপস্থিত হয়৷ সোমবাৰে নিশা আইপিএছ আনন্দ মিশ্ৰই নগাঁৱত উপস্থিত হৈ ৰহাত নগাঁৱৰ এটা আৰক্ষী দল তথা তেওঁৰ পূৰ্ব বাহিনীৰ সৈতে মিলিত হয়৷
উজনিৰ পৰা গুৱাহাটী অভিমুখে আহি থকাৰ পথত আইপিএছ আনন্দ মিশ্ৰই নগাঁৱৰ আৰক্ষীৰ এটা দলক সৌজন্যমূলক সাক্ষাৎ কৰে৷ জিলাখনৰ প্ৰাক্তন আৰক্ষী প্ৰশাসনৰ মুৰব্বীগৰাকীক ওচৰতে পাই নগাঁৱৰ আৰক্ষী দলটো পাৰ ভঙা আনন্দত আত্মাহাৰা হোৱা পৰিলক্ষিত হয়৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
