নাবালিকাৰ গৰ্ভধাৰণৰ সংখ্যা ক্ৰমাৎ বৃদ্ধি পাইছে৷ এইদৰে মন্তব্য কৰি উদ্ভিগ্নতা প্ৰকাশ কৰিছে কেৰালাৰ উচ্চ ন্যায়ালয়ে৷
এগৰাকী ১৩ বছৰীয়া নাবালিকা গৰ্ভপাতৰ আবেদনৰ শুনানি গ্ৰহণ কৰি কেৰালা উচ্চ ন্যায়ালয়ে কয় যে কেৰালাত নাবালিকাৰ গৰ্ভধাৰণৰ সংখ্যা বৃদ্ধি পাইছে৷ ন্যায়ালয়ৰ মতে অবাধ পৰ্ণগ্ৰাফীৰ বাবেই এই অৱক্ষয়ৰ সূচনা হৈছে৷
উল্লেখ্য যে শেহতীয়াকৈ কেৰেলা উচ্চ ন্যায়ালয়ত ১৩ বছৰীয়া নাবালিকাৰ গৰ্ভপাতৰ আবেদন দাখিল কৰা হৈছিল।
লগতে পঢ়ক বিশ্বৰ একমাত্ৰ ‘Walking Tree’ ক’ত আছে? কিমান বিশাল এই গছজোপা?
ন্যায়াধীশ ভি জি অৰুণৰ বিচাৰপীঠত এই গোচৰৰ শুনানি গ্ৰহণ কৰে। শুনানি গ্ৰহণ কৰি ৩০ সপ্তাহৰ গৰ্ভৱতী কিশোৰীগৰাকীক গৰ্ভপাত কৰিবলৈ অনুমতি দিয়ে ন্যায়াধীশে।
ইয়াৰ পিছতে ন্যায়ালয়ে কেৰালাত নাবালিকা গৰ্ভধাৰণৰ সংখ্যাক লৈ উদ্বেগ প্ৰকাশ কৰে। ন্যায়াধীশগৰাকীয়ে কয়, ‘‘এই গোচৰৰ শুনানিৰ পূৰ্বে মই নাবালিকা গৰ্ভধাৰণৰ সংখ্যা বৃদ্ধি পোৱাৰ বাবে উদ্বেগ প্ৰকাশ কৰিবলৈ বাধ্য হৈছো। ইয়াৰে বেছিভাগ ক্ষেত্ৰতে নাবালিকাৰ সৈতে সম্পৰ্কীয় তথা নিকট আত্মীয় জড়িত হৈ থাকে।’’
লগতে পঢ়ক নেমুৰ আছে আচৰিত ৫ টা ঔষধী গুণ জানক কি কি?
ন্যায়াধীশগৰাকীয়ে লগতে বিদ্যালয়সমূহত যৌন শিক্ষাৰ প্ৰয়োজনীয়তাৰ বিষয়েও দোহাৰি কয় যে ‘‘মোৰ মতে আমাৰ বিদ্যালয়সমূহত যৌন শিক্ষা প্ৰদান কৰাৰ ওপৰত কৰ্তৃপক্ষই গুৰুত্ব দিয়াৰ সময় আহি পৰিছে।’’
কেৰালাৰ উচ্চ ন্যায়ালয়ে নাবালিকা গৰ্ভধাৰণৰ বাবে পৰ্ণগ্ৰাফি ছবিক বিশেষভাৱে দায়ী কৰে। ন্যায়ালয়ে কয় যে ইণ্টাৰনেটৰ যুগত পৰ্ণগ্ৰাফিক ছবি সহজে উপলব্ধ হৈ পৰিছে আৰু ইয়াৰ ফলত শিশু আৰু কিশোৰ-কিশোৰীসকলক আটাইতকৈ বেছি আক্ৰান্ত হৈছে।
উচ্চ ন্যায়ালয়ে লগতে কয় যে শিশুসকলক ইণ্টাৰনেটৰ সঠিক ব্যৱহাৰৰ বিষয়ে শিকোৱাটোও সমানেই গুৰুত্বপূৰ্ণ বিষয় হৈ পৰিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
