ভাৰতৰ ১৫ সংখ্যক ৰাষ্ট্ৰপতিৰ পদত অধিষ্ঠিত হ’ল দেশৰ প্ৰথমগৰাকী জনজাতীয় মহিলা দ্ৰৌপদী মুৰ্মু। দ্ৰৌপদী মুৰ্মু ৰাষ্ট্ৰপতি নিৰ্বাচনত বিৰোধী প্ৰাৰ্থী যশৱন্ত সিনহাক পৰাস্ত কৰি দেশৰ ৰাষ্ট্ৰপতি হিচাপে নিৰ্বাচিত হৈছে৷ ওড়িশাৰ এইগৰাকী জনজাতীয় নেত্ৰীয়ে দেশৰ ৰাষ্ট্ৰপতিৰূপে নিৰ্বাচিত হোৱাৰ পিছতে সমগ্ৰ দেশজুৰি চৰ্চা চলিছে৷ আচলতে কোন আছিল এই দ্ৰোপদী মুৰ্মু? ৰাষ্ট্ৰপতি হোৱাৰ পূৰ্বে তেওঁ কি আছিল? ৰাজনীতিলৈ কেতিয়া আহিছিল? ৰাজনীতিলৈ অহাৰ পূৰ্বেও তেওঁ কি আছিল? সকলোৰে মনত এই সকলো প্ৰশ্নই স্বাভাৱিকতে উদয় হৈছে৷
ওড়িশাৰ ময়ুৰভঞ্জ জিলাৰ ৰাইৰাংপুৰৰ এগৰাকী জনজাতীয় নেত্ৰী দ্ৰৌপদী মুৰ্মু। দ্ৰৌপদী মুৰ্মু এগৰাকী মৃদুভাষী নেত্ৰী যিয়ে কঠোৰ পৰিশ্ৰমেৰে ওড়িশাৰ ৰাজনীতিত নিজৰ স্থান দখল কৰিছিল। ২০২২ চনৰ ৰাষ্ট্ৰপতি নিৰ্বাচনত দ্ৰৌপদী মুৰ্মুৱে জয়লাভ কৰি তেওঁ দেশৰ দ্বিতীয় গৰাকী মহিলা আৰু প্ৰথমগৰাকী জনজাতীয় মহিলা হোৱাৰ অভিলেখ ৰচনা কৰিলে।
১৯৫৮ চনৰ ২০ জুনত ওড়িশাৰ ময়ুৰভঞ্জ জিলাৰ উপৰবেদা গাঁৱত এটা চাওঁতালি জনজাতীয় পৰিয়ালত জন্মগ্ৰহণ কৰিছিল দ্ৰৌপদী মুৰ্মুৱে। বেংকাৰ শ্যাম চৰণ মুৰ্মুৰ সৈতে দ্ৰৌপদী মুৰ্মুৱে বিবাহপাশত আবদ্ধ হৈছিল৷ এটা দুৰ্ঘটনাত ২০১৪ চনত তেওঁৰ স্বামী চৰণ মুৰ্মুৰ মৃত্যু হয়। তেওঁলোকৰ দুজন পুত্ৰৰ লগতে এগৰাকী কন্যা সন্তান আছে।
লগতে পঢ়ক নেমুৰ আছে আচৰিত ৫ টা ঔষধী গুণ জানক কি কি?
ৰাজনীতিত প্ৰৱেশ কৰাৰ পূৰ্বে দ্ৰৌপদী মুৰ্মুৱে স্কুলৰ শিক্ষক হিচাপে কৰ্মজীৱন আৰম্ভ কৰিছিল। মুৰ্মুৱে ৰাইৰাংপুৰৰ শ্ৰী ঔৰবিন্দো অখণ্ড শিক্ষা আৰু গৱেষণা প্ৰতিষ্ঠানত সহকাৰী অধ্যাপক হিচাপে কাম কৰিছিল৷ ইয়াৰ উপৰিও তেওঁ ওড়িশা চৰকাৰৰ জলসিঞ্চন বিভাগত কনিষ্ঠ সহায়ক হিচাপেও কৰ্মৰত আছিল।
দ্ৰৌপদী মুৰ্মুৱে ১৯৯৭ চনত ভাৰতীয় জনতা পাৰ্টীত যোগদান কৰি ৰাইৰাংপুৰ নগৰ পঞ্চায়তৰ কাউন্সিলাৰ হিচাপে নিৰ্বাচিত হয় আৰু সেয়াই আছিল তেওঁৰ কেতিয়াও পিছলৈ ঘূৰি নোচোৱা ৰাজনৈতিক যাত্ৰাৰ আৰম্ভণি। ২০০০ চনত ৰাইৰাংপুৰ নগৰ পঞ্চায়তৰ অধ্যক্ষ হোৱাৰ লগতে বিজেপি অনুসূচিত জনজাতি মৰ্চাৰ ৰাষ্ট্ৰীয় উপ-সভানেত্ৰী হিচাপেও কাৰ্যনিৰ্বাহ কৰিছিল।
২০০০ চনৰ ৬ মাৰ্চৰ পৰা ২০০০ চনৰ ৬ আগষ্টলৈ দ্ৰৌপদী মুৰ্মু ওড়িশাৰ বাণিজ্য আৰু পৰিবহণৰ ৰাজ্যিক (স্বতন্ত্ৰ) মন্ত্ৰী আৰু ২০০২ চনৰ ৬ আগষ্টৰ পৰা ২০০৪ চনৰ ১৬ মে’লৈ মীন আৰু পশু সম্পদ উন্নয়ন মন্ত্ৰীৰূপে কাৰ্যনিৰ্বাহ কৰিছিল৷
লগতে পঢ়ক বাংলাদেশতো বিখ্যাত হৈছে ড০ হিমন্ত বিশ্ব শৰ্মা! কিন্তু কেনেকৈ?
দ্ৰৌপদী মুৰ্মুৱে ২০১৫ চনৰ ১৮ মে’ত ঝাৰখণ্ডৰ ৰাজ্যপাল হিচাপে শপত গ্ৰহণ কৰি ঝাৰখণ্ডৰ প্ৰথমগৰাকী মহিলা ৰাজ্যপাল হিচাপে পৰিগণিত হয়। ভাৰতৰ যিকোনা ৰাজ্যৰ ৰাজ্যপাল হিচাপে নিযুক্তি লাভ কৰা ওড়িশাৰ প্ৰথমগৰাকী মহিলা জনজাতীয় মহিলা হিচাপেও দ্ৰৌপদী মুৰ্মুৱে অভিলেখ ৰচিছিল।
২০১৭ চনত ঝাৰখণ্ডৰ ৰাজ্যপাল হিচাপে দ্ৰৌপদী মুৰ্মুৱে ঝাৰখণ্ডৰ বিধানসভাই অনুমোদন জনোৱা বিধেয়কখনত সন্মতি দিবলৈ অস্বীকাৰ কৰিছিল, য’ত ছোটানাগপুৰ ভাড়া আইন, ১৯০৮, আৰু সন্থাল পৰগনা ভাড়া আইন, ১৯৪৯ সংশোধন বিচাৰিছিল। মুৰ্মুৱে তেওঁৰ সিদ্ধান্তৰ বাবে সমগ্ৰ দেশতে চৰ্চা লাভ কৰিছিল৷
২০২২ চনৰ জুন মাহত দ্ৰৌপদী মুৰ্মুক ২০২২ চনৰ নিৰ্বাচনৰ বাবে ভাৰতৰ ৰাষ্ট্ৰপতি পদৰ বাবে বিজেপিয়ে ৰাষ্ট্ৰীয় গণতান্ত্ৰিক মিত্ৰজোঁটৰ প্ৰাৰ্থী হিচাপে মনোনীত কৰে।
লগতে পঢ়ক ভাল খবৰ আহি আছে চৰকাৰী কৰ্মচাৰীৰ বাবে! শীঘ্ৰেই কাৰ্যকৰী হ’ব ৮ম দৰমহা আয়োগ!
ৰাষ্ট্ৰপতিৰ প্ৰাৰ্থী হিচাপে মনোনীত হোৱাৰ পিছতে দ্ৰৌপদী মুৰ্মুৱে উত্তৰ পূৱৰ ৰাজ্যসমূহৰ লগতে ওড়িশাৰ বিজেডি, ঝাৰখণ্ডৰ জেএমএম পাৰ্টি, মহাৰাষ্ট্ৰৰ শিৱসেনা, উত্তৰ প্ৰদেশৰ বিএছপি, কৰ্ণাটকৰ জেডিএছ আদি বিৰোধী দলৰ নেতৃত্বক সাক্ষাৎ কৰি তেওঁলোকৰ সমৰ্থন আদায় কৰিছিল।
উল্লেখ্য যে দ্ৰৌপদী মুৰ্মুৱে, ২০০৭ চনত ওড়িশা বিধানসভাৰ দ্বাৰা শ্ৰেষ্ঠ বিধায়ক ( বিধানসভাৰ সদস্য)ৰ বাবে নীলকণ্ঠ বঁটা লাভ কৰিছিল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
