অসম লাইভ ২৪ঃ কোভিড যুদ্ধৰ সময়তো দর্শকৰ কথা চিন্তা কৰি শ্বাহৰুখ খানে নতুনকৈ ছবিৰ কাম আৰম্ভ কৰাৰ কথা চিন্তা কৰিছে। প্ৰায় তিনিমাহ অচলাৱস্থাৰ পাছত পুনৰ নতুন ছবি কৰাটো এতিয়া এক প্ৰত্যাহ্বান হৈ পৰিছে। এইবাৰ সেই প্ৰত্যাহ্বান গ্ৰহণ কৰিছে কিং খানে। ৰাজকুমাৰ হিৰাণীৰ পৰিচালনাত অভিনয় কৰিব কিং খানে। খানৰ লগত কাম কৰাৰ ইচ্ছা পূর্বৰ পৰাই আছিল হিৰাণীৰ। আৰু এইবাৰ সুযোগ মিলিল হিৰাণীৰ। ছবিৰ স্ক্ৰীপ্ট পঢ়িয়ে সন্মত হ’ল কিং খান।সকলো ঠিকে থাকিলে আগষ্টৰ পৰা শ্বুটিং আৰম্ভ হ’ব ছবিখনৰ। ছবিখনৰ কাহিনীও অতি ৰসাল। কর্মৰ সন্ধানত পঞ্জাবৰ পৰা বহু মানুহ যায় কানাডালৈ। আৰু কানাডাত বিভিন্ন কার্যত নিয়োজিত হয় পঞ্জাবৰ লোকসকল। ছবিখনত শ্বাহৰুখ খানে এটা পঞ্জাবী ল’ৰাৰ চৰিত্ৰত অভিনয় কৰিব। অৱশ্যে ছবিখনৰ নাম এতিয়ালৈকে ঠিক কৰা নাই পৰিচালকে। সকলো ঠিকে থাকিলে এই বছৰতে মুক্তি পাব ছবিখনে। গতিকে সকলো নির্ভৰ কৰিছে ক’ৰোনাৰ পৰিস্থিতৰ ওপৰত।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
