ভাৰতীয় ক্ৰিকেট সম্পৰ্কে খবৰ ৰখা মানুহে হয়তো ৰিংকু সিঙক ভালকৈয়ে চিনি পায়৷ কেকেআৰৰ জাৰ্ছিত এসময় কঠোৰ পৰিশ্ৰম কৰিছিল আলিগড়ৰ এইগৰাকী যুৱকে৷ দৰিদ্ৰ সীমাৰেখাৰ তলৰ এটা পৰিয়ালৰ পৰা যাত্ৰা কৰি আজি ৰিংকু এগৰাকী ভাৰতীয় দলৰ ক্ৰিকেটাৰ৷ নাম ক’লেই সকলোৱে চিনি পায়, কি দেশ, কি বিদেশ নামেই পৰিচয় এতিয়া ৰিংকুৰ৷ কিন্তু ৰিংকু নামৰ এই পৰিচয় গঢ়ি তোলাৰ আঁৰৰ সংগ্ৰাম জানো সহজ আছিল৷ শেহতীয়াকৈ কঁপাল ফুলিছে ৰিংকুৰ৷ স্থান লাভ কৰিছে ভাৰতীয় ক্ৰিকেট দলত৷
এই বৰ্ষটোৱে ৰিংকুক দিছে অভাৱনীয় প্ৰাপ্তি৷ কলকাতা নাইট ৰাইডাৰ্ছে এইবাৰ আইপিএলৰ খিতাপ আঁজুৰি নিয়াৰ পৰাই ৰিংকুৰো যেন জীৱন কৰোবাত সলনি হৈ গ’ল৷ আইপিএলত তেওঁৰ দৰমহা আগতকৈ বাঢ়িছে৷ এয়াই শেষ নহয়, ভাৰতীয় ক্ৰিকেট বৰ্ডৰ বাৰ্ষিক চুক্তিতো তেওঁ স্থান লাভ কৰিছে৷ টি-২০ বিশ্বকাপত ৰিজাৰ্ভ প্লেয়াৰ হিচাপে ভাৰতীয় দলত অভিষেক ঘটিছে ৰিংকুৰ৷ তাৰপাছতেই জিম্বাবোৱেৰ বিৰুদ্ধে মেচত নামে ৰিংকু৷ এইবাৰ তেওঁৰ গন্তব্যস্থান শ্ৰীলংকা৷ ইফালে ভাৰতীয় টিমত ৰিংকুৰ গুৰুত্ব বাঢ়িছে৷ অন্যহাতে ৰিংকুৰ সম্পত্তিৰ পৰিমানো বাঢ়িছে৷ জানক আলিগড়ৰ পৰা যাত্ৰা আৰম্ভ কৰা ৰিংকুৰ বৰ্তমান কিমান সম্পত্তি?
ৰিংকুৰ অনুৰাগীৰ সংখ্যা প্ৰতিনিয়ত বাঢ়িয়েই আছে৷ তেওঁৰ পাৰ্ফৰ্মেঞ্চেই তেওঁৰ পৰিচয়৷ কিছুদিন পূৰ্বে জিম্বাৱোয়েত গৈ টি-২০ চিৰিজৰ শ্ৰেষ্ঠ ফিল্ডাৰৰ পুৰস্কাৰ লাভ কৰিছে৷ বেটিংত তেওঁ বিশেষ সুযোগ লাভ নকৰিলে৷ কিন্তু ফিল্ডিংত তেওঁ লোৱা কেচ য়ে নজৰ কাঢ়িলে ক্ৰিকেটপ্ৰেমীৰ৷ ৰিংকুক লৈ আগ্ৰহ বাঢ়িছে অনুৰাগীৰো৷ বহুতেই জানিবলৈ আগ্ৰহী তেওঁৰ সম্পত্তি কিমান?
বিভিন্ন মিডিয়া ৰিপৰ্ট অনুসৰি ৰিংকুৰ মুঠ সম্পত্তিৰ পৰিমাণ ৭কোটি টকা৷ এই সময়ত ৰিংকুক স্থানীয় টুৰ্নামেণ্ট খেলি এখন বাইক পুৰস্কাৰ হিচাপে পাইছিল৷ সেই ৰিংকুৰ এতিয়া আচে বুলেটসহ নানান বহুমূল্য বাহন৷ আলিগড়ৰ ওজোন চিটিত ২০০ গজৰ এটা প্লটো ৰিংকুৰ আছে৷ ভাইৰেল খবৰ অনুসৰি সেই স্থানতেই ঘৰ নিৰ্মাণ কৰিব ৰিংকুৱে৷ এসময়ত ৰিংকুৰ পিতৃয়ে ঘৰে ঘৰে চিলিণ্ডাৰ ডেলিভাৰি দিয়া কাম কৰিছিল৷ এতিয়াও তেওঁ সেই কাম কৰে৷ কিন্তু নিজৰ সন্তান নিজৰ ভৰিত থিয় হোৱাত তেওঁ খুবেই সুখী৷
২০১৭চনৰ পৰা ২০২৩ চনলৈকে আইপিএলৰ পৰা ৰিংকুৱে আয় কৰিছে ৪ কোটি ৪০ লাখ টকা৷ ৰিংকুৰ আয়ৰ উৎস বিভিন্ন ব্ৰেণ্ড এণ্ড্ৰোছমেণ্ট৷ এম আৰ এফ, এছ জি, CEAT টায়াৰৰ দৰে ব্ৰেণ্ডৰ পৰাও আয় হয় ৰিংকুৰ৷ বুলেটৰ পৰা মাৰুতি ছুজুকি ছুইফট, টাৰ্বো ডিজেল ফেৰ্ড, এণ্ডোভাৰ, টয়োটা ইনোভা ক্ৰিষ্টা, মহিন্দ্ৰা স্কৰ্পিয়ৰ দৰে কেইবাখনো বাহন আছে ৰিংকুৰ৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
