হনুমানক কলিযুগৰ জাগ্ৰত দেৱতা হিচাপে গণ্য কৰা হয়৷ বজৰংবলী অষ্ট চিৰঞ্জীবীৰ মাজত অন্যতম বুলি কোৱা হয়৷ ধৰ্মশাস্ত্ৰ অনুসৰি কলিযুগত বজৰংবলীয়ে মৰ্ত্যত বাস কৰি আছে৷ কলিযুগত ক’ত বাস কৰে সংকটমোচন হনুমান?
কলিযুগত ক’ত আছে বজৰংবলী?
ত্ৰেতা যুগত হনুমানক চিৰঞ্জীৱী হোৱাৰ আশীৰ্বাদ দিছিল ৰামে৷ দ্বাপৰ যুগতো তেওঁৰ সৈতে সাক্ষাৎ কৰাৰ প্ৰতিশ্ৰুতি দিছিল ৰামচন্দ্ৰই৷ দ্বাপৰ যুগত কৃষ্ণই অৱতাৰ লোৱাৰ পাছত মহাভাৰতৰ যু্দ্ধৰ সময়তো কৃষ্ণক দেখা দিছিল বজৰংবলীয়ে৷ মহাভাৰতৰ যুদ্ধত কৃষ্ণ যেতিয়া অৰ্জুনৰ ৰথৰ সাৰথী হৈছিল তেতিয়াই বজৰংবলীতে তেওঁক দেখা দিছিল৷ তেওঁৰ ধ্বজাত বজৰংবলী বিৰাজমান হৈ থাকি অৰ্জুনক ৰক্ষা কৰিছিল দুয়োৱে৷ ইয়াৰপাছতেই কলিযুগত বজৰংবলী মৰ্ত্যলৈ আহে৷ শ্ৰীমদ্ভাগৱত পুৰাণ অনুসৰি কলিযুগত বজৰংবলীয়ে গন্ধমদন পৰ্বতত বাস কৰে৷ তাতেই তেওঁ ৰামৰ পূজা কৰে৷
প্ৰচলিত বিশ্বাস অনুসৰি হিমালয়ৰ কৈলাশ পৰ্বতৰ উত্তৰত আছে গন্ধমদন পৰ্বত৷ দক্ষিণ দিশত আছে কেদাৰ পৰ্বত৷ সুমেৰু পৰ্বতৰ চাৰিও দিশত অৱস্থিত গজদন্ত পৰ্বতৰ মাজৰ এটি পৰ্বতক প্ৰাচীন কালত গন্ধমদন পৰ্বত নামেৰে নামকৰণ কৰা হৈছিল৷ বৰ্তমান সেয়া তিব্বতত অৱস্থিত৷ নেপাল পথৰ মানসসৰোবৰ হৈ এই পৰ্বতলৈ যাব পাৰি৷ ইয়াৰোপৰি ভূটানৰ পাৰ্বত্য পথ অথৱা অৰুণাচলৰ পথেৰেও চীন হৈ গন্ধমদন পৰ্বতলৈ যাব পাৰি৷
অন্যান্য স্থান
এইসমূহৰ ওপৰিও অন্য কেইবাটাও স্থানত বজৰংবলীয়ে অৱস্থান কৰে৷ তাৰভিতৰত আছে
কিষ্কিন্ধা অঞ্জনী পৰ্বত
ৰামায়ণত এই পৰ্বতৰ কথা উল্লেখ আছে৷ কৰ্ণাটকৰ কোপ্পল আৰু বেল্লাৰী জিলাৰ ওচৰত কিষ্কিন্ধাৰ এই পৰ্বততেই অঞ্জনীয়ে তপস্যা কৰিছিল৷ ৰাম আৰু হনুমানৰ সাক্ষাৎ এই পৰ্বততেই হৈছিল৷ প্ৰচলিত বিশ্বাস অনুসৰি কলিযুগত এই পৰ্বতত হনুমানে বাস কৰে৷
ৰামায়ণ পাঠ
শাস্ত্ৰ মতে য’ত ৰামায়ণ পাঠ হয় সেই স্থানতেই কিবা নহয় কিবা ৰূপ ধাৰণ কৰি বজৰংবলী উপস্থিত হয়৷ ৰামায়ণ পাঠৰ সময়ত বান্দৰৰ উপস্থিতি বিভিন্ন স্থানত দেখা যায়৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
