অসম লাইভ২৪ঃ ডেকান চাৰ্জাছৰ পৰা ২০১১ চনত মুম্বাই ইণ্ডিয়ানছত যোগ দিছে ৰোহিত শৰ্মাই। তৰুণ ৰোহিত শৰ্মাক সেইবাৰ ৯ কোটি টকাত ক্ৰয় কৰিছিল মুম্বাই ইণ্ডিয়ানছে। আইপিএলত সেইবাৰ নিলামত উঠাৰ পাছতেই থমকি ৰ’ব লগা হোৱা নাই ৰোহিত শৰ্মা। ২০১১ চনলৈকে জয়ৰ পৰা দূৰতে বিদুৰ হৈ থকা মুম্বাই ইণ্ডিয়ানছে সেইবাৰ দেখিলে সাফল্য। ২০১৩ চনত অধিনায়ক হৈয়েই ৰোহিতে মুম্বাই ইণ্ডিয়ানছক দিলে জয়ৰ সোৱাদ। সেইবাৰ চেম্পিয়ন হয় মুম্বাই ইণ্ডিয়ানছ।
৫বাৰ মুম্বাই ইণ্ডিয়ানছক চেম্পিয়ন কৰোৱাৰ পাছতেই এইবাৰ মুম্বাই ইণ্ডিয়ানছৰ অধিনায়ক পদ এৰিলে ৰোহিত শৰ্মাই। ৰোহিতক যেতিয়া মুম্বাই ইণ্ডিয়ানছে ক্ৰয় কৰিছিল তেতিয়া কলকাতা নাইট ৰাইডাৰ্ছে সেই বিষয়টোক লৈ আচৰিত হৈ কৰিছিল বিতৰ্কিত মন্তব্য। সেই কাহিনী এতিয়া ভাইৰেল হৈছে। ৰোহিতক সেই সময়ত ৯ কোটিত ক্ৰয় কৰাক লৈ KKRৰ তৰফৰ পৰা কৰা হৈছিল বিশেষ টুইট। টুইটত লিখিছিল, ”এয়া চমকি উঠিবলগা বিষয়। মুম্বাইয়ে ৰোহিত শৰ্মাক ২ মিলিয়ন ডলাৰৰ বিনিময়ত ক্ৰয় কৰিছে!’’
KKR-য়ে এই পোষ্ট কৰিছিল ২০১১ চনত। কিন্তু এইবাৰ সেই KKR-য়েই ৰেকৰ্ড সকলোৰে ৰেকৰ্ড ভাঙি ক্ৰয় কৰিছে মিচেল ষ্টাৰ্কক। ২৪.৭৫ কোটি খৰচ কৰি মিচেল ষ্টাৰ্কক ক্ৰয় কৰিছে KKR-য়ে। KKR-য়ে মিচেল ষ্টাৰ্কক ক্ৰয় কৰাক লৈ নেটিজেনে কৰিছে এটাৰ পাছত আনটো টুইট। অন্যক হঁহা দলে এইবাৰ দেখোন ওলোটা খৰ মাৰিছে বুলি প্ৰায়সংখ্যকেই সমালোচনা কৰিছে KKR-ক।
উল্লেখ্য যে ৰোহিত শৰ্মাক ২০১১ চনত নিজা দললৈ নিয়াৰ পাছত ২০১৩ চনত ৰোহিতক অধিনায়ক পাতে মুম্বাই ইণ্ডিয়ানছে। ইয়াৰ পাছতেই ২০১৩, ২০১৫, ২০১৯ আৰু ২০২০ চনত মুঠ পাঁচবাৰ তেওঁ দলক চেম্পিয়ন কৰাইছে। মুম্বাই ইণ্ডিয়ানছে বিপুল পৰিমানৰ অৰ্থ ব্যয় কৰাৰ ফল হাতে হাতেই লাভ কৰে বিগত বছৰ কেইটাত। ইফালে ওলোটা ছবি দেখা গৈছে কলকাতা নাইট ৰাইডাৰ্ছৰ। ৰোহিত শৰ্মাই তেওঁৰ প্ৰথম আইপিএলত চেঞ্চুৰিও কৰিছিল KKRৰ বিৰুদ্ধেই।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
