মানচেষ্টাৰ টেষ্টৰ দুদিন পূৰ্বে ভাৰতীয় দলত দুটাকৈ আঘাত, দলৰ বাহিৰ নীতিশ-অৰ্শদীপ
ভাৰত-ইংলেণ্ডৰ মাজত অনুষ্ঠিত হৈ থকা পাঁচখনীয়া টেষ্ট মেচৰ ইতিমধ্যে ৩ খন সম্পন্ন হৈছে। য’ত ২-১ৰ ব্যৱধানত আগবাঢ়ি আছে ইংলেণ্ড দল। এতিয়া পৰৱৰ্তী চতুৰ্থ মেচৰ ওপৰত দৃষ্টি ভাৰতৰ। শৃংখলাৰ চতুৰ্থখন টেষ্ট আৰম্ভ হব বুধবাৰৰ পৰা।
পাছে এই চতুৰ্থ মেচ আৰম্ভ হোৱাৰ দুদিন পূৰ্বে ভাৰতীয় দলটোৱে দুটা ডাঙৰ বিপৰ্যয়ৰ সন্মুখীন হৈছে। অল ৰাউণ্ডাৰ নীতিশ ৰেড্ডীক সমগ্ৰ শৃংখলাৰ পৰা বাহিৰ কৰা হৈছে আৰু বেগী বলাৰ অৰ্শদীপ সিঙক কেৱল পৰৱৰ্তী টেষ্টৰ পৰা বাদ দিয়া হৈছে।
বিচিচিআইয়ে প্ৰেছ বিজ্ঞপ্তিযোগে কয় যে, ‘বাওঁ আঁঠুৰ আঘাতৰ বাবে বাকী দুখন টেষ্ট মেচৰ পৰা অল ৰাউণ্ডাৰ নীতিশ কুমাৰ ৰেড্ডীক বাদ দিয়া হৈছে। আনহাতে চতুৰ্থখন টেষ্ট মেচত অৰ্শদীপ সিঙক ৰেষ্ট দিয়া হৈছে। বেকেনহামত অনুশীলনৰ সময়ত নেটত বলিং কৰি থকা অৱস্থাত বুঢ়া আঙুলিত আঘাত পাইছিল অৰ্শদীপে।
এতিয়া এই দুই খেলুৱৈৰ অনুপস্থিতিত চতুৰ্থ টেষ্টৰ বাবে ভাৰতীয় দল : শুভমান গিল (অধিনায়ক), ঋষভ পন্ত (উপ অধিনায়ক আৰু উইকেটকীপাৰ), যশস্বী জয়ছৱাল, কে এল ৰাহুল, সাই সুদৰ্শন, অভিমন্যু ইয়াশ্বৰন, কৰুণ নাইৰ, ৰবীন্দ্ৰ জাদেজা, ধ্ৰুৱ জুৰেল (উইকেটকীপাৰ), ৱাশ্বিংটন সুন্দৰ, শাৰদুল ঠাকুৰ, জাস্প্ৰিত বুমৰাহ, মহম্মদ চিৰাজ, প্ৰসিদ্ধ কৃষ্ণ, আকাশ দীপ, কুলদীপ যাদৱ, অংশুল কামোজ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
