কুৱেইটত ভয়ংকৰ অগ্নিকাণ্ড, পান জপাদি আছিল শ্ৰমিক, যাাৰ বাবেই প্ৰাণ হেৰুৱালে ৪৯ গৰাকীয়ে, ইয়াৰে ৪০গৰাকীয়েই ভাৰতীয়
বিশ্বৰ লগতে দেশ কঁপাই যোৱা এক ঘটনা। ভয়ংকৰ অগ্নিকাণ্ডত প্ৰাণ হেৰুৱালে ৪৯ গৰাকীকৈ লোকে। ইয়াৰ ভিতৰত ৪০ গৰাকী লোকেই ভাৰতীয় লোক। যাৰ বাবে শোকত ম্ৰিয়মান হৈ পৰিছে বহু লোক।
ভাৰতৰ পৰা কেইটামান টকা উপাৰ্জন কৰাৰ উদ্দেশ্যে কুৱেইটলৈ গৈছিল শ্ৰমিক কেইজন। কিন্তু টকা ঘটিবলৈ গৈ প্ৰাণ হেৰুৱাই ৪০ গৰাকীয়ে। ইয়াৰ বাহিৰেও অন্য কেইবাগৰাকী লোক আহত এই অগ্নিকাণ্ডত।
বুধবাৰে কুৱেইটৰ মাংগাফ অঞ্চলত বিদেশী শ্ৰমিকৰ আৱাস থকা বহুমহলীয়া অট্টালিকাত ব্যাপক অগ্নিকাণ্ড সংঘটিত হয়। এই অগ্নিকাণ্ডত মুঠ ৪৯ জন লোকৰ মৃত্যু হয়। এই দুৰ্ঘটনাত আন ৫০ জনতকৈ অধিক লোক আহত হয়।
নিশাৰ টিউটি কৰি আহি ভাগৰুৱা হৈ প্ৰব্ৰজিত শ্ৰমিকসকল শুই আচিল অগ্নিকাণ্ডৰ সময়ত। তেনে অৱস্থাতে অট্টালিকাটোত জুই লাগি যায়। কোৱা হৈছে যে এই অট্টালিকাটোত মুঠ ১৯৬ জন লোকে বাস কৰিছিল। আল-মাংগাফ নামৰ এটা অট্টালিকাত সংঘটিত হোৱা বৃহৎ অগ্নিকাণ্ডত মুঠ ৪৯ জন লোকে প্ৰাণ হেৰুৱাইছে।
অগ্নিকাণ্ডটোত প্ৰাণ হেৰুওৱা লোক সকলৰ ভিতৰত ৪০ জন ভাৰতীয়ৰ বাহিৰে বাকীসকল পাকিস্তান, ফিলিপাইনছ, ইজিপ্ত আৰু নেপালৰ নাগৰিক। ইফালে প্ৰধানমন্ত্ৰী মোদীয়ে কুৱেইটত সংঘটিত অগ্নিকাণ্ডৰ ঘটনা সন্দৰ্ভত এক বৈঠক অনুষ্ঠিত কৰি প্ৰধানমন্ত্ৰী সাহায্য পুঁজিৰ পৰা মৃত ভাৰতীয় নাগৰিকৰ পৰিয়াললৈ ২ লাখ টকাৰ এককালীন সাহায্যৰ কথা ঘোষণা কৰে। এই দুৰ্ঘটনাক লৈ গভীৰ শোক প্ৰকাশ কৰিছে প্ৰধানমন্ত্ৰী মোদীয়ে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
