পুত্ৰ সন্তান জন্ম দিয়াৰ এটা দিনৰ পিছতে এগৰাকী প্ৰসূতিয়ে মৃত্যুক সাৱটি লোৱাৰ ঘটনাক কেন্দ্ৰ কৰি উত্তপ্ত হৈ পৰিছে নলবাৰীৰ এখন ব্যক্তিগত খণ্ডৰ চিকিৎসালয়ৰ চৌহদ৷
নলবাৰীৰ কুমাৰ ভাস্কৰ বৰ্মা সংস্কৃত ও পুৰাতন অধ্যয়ন বিশ্ববিদ্যালয়ৰ অসমীয়া বিভাগৰ সহকাৰী অধ্যাপিকা ড৹ ৰুমী কাকতি প্ৰসূতিজনিত কাৰণত তিনিদিন পূৰ্বে ভৰ্তি কৰোৱা হৈছিল নলবাৰীৰ শুশ্ৰুষা হাস্পতালত।
চিকিৎসালয়খনত ভৰ্তি কৰোৱা পাছতে অধ্যাপিকা প্ৰসূতিগৰাকীয়ে যোৱা ২৫ আগষ্টত এটি পুত্ৰ সন্তান জন্ম দিয়ে।
লগতে পঢ়ক পুনৰ ইতিহাস সৃষ্টি গ’ল্ডেন বয় নীৰজ চোপ্ৰাৰ, ডাইমণ্ড লিগ মীটৰ খিতাপ দখল নীৰজৰ
জানিব পৰা মতে সন্তান জন্ম দিয়াৰ দিনা প্ৰসূতি আৰু নৱজাতক দুয়োৱেই সুস্থ আছিল যদিও ২৬ আগষ্টত হঠাৎ ৰুমী কাকতিৰ ৰক্তচাপ বৃদ্ধি পোৱাত হাস্পতালখনৰ আইচিইউত তেওঁক ভৰ্তি কৰোৱা হয়। কিন্তু পুৱাৰ ভাগলৈকে সুস্থ প্ৰসূতিগৰাকীক আইচিইউত ভৰ্তি কৰোৱাৰ পিছতে চিকিৎসকে সন্ধিয়া মৃত বুলি ঘোষণা কৰে৷
ইয়াৰ পাছতে প্ৰসূতিগৰাকীৰ পৰিয়ালে চিকিৎসকৰ গাফিলতিৰ ফলতে মৃত্যু হোৱাৰ অভিযোগ তুলি হাস্পতাল চৌহদত উত্তপ্ত পৰিস্থিতিৰ সৃষ্টি কৰে। হাস্পতালখনৰ পৰিস্থিতি নিয়ন্ত্ৰণ কৰিবলৈ আৰক্ষী মোতায়েন কৰিবলগীয়া পৰিস্থিতিৰো সৃষ্টি হয়৷
ইফালে অধ্যাপিকা ড০ ৰুমী কাকতিৰ মৃত্যুৱে কুমাৰ ভাস্কৰ বৰ্মা সংস্কৃত ও পুৰাতন অধ্যয়ন বিশ্ববিদ্যালয়ৰ শিক্ষাৰ্থীসকলৰ লগতে সমগ্ৰ নলবাৰী চহৰতে শোকৰ ছাঁ পেলাইছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ