ৰাছিয়াৰ সামৰিক চোৰাংচোৱা সংস্থা জিআৰইউৰ এগৰাকী গোপন তথা ৰহস্যময়ী চোৰাংচোৱাৰ পৰিচয় উদ্ধাৰ কৰা বুলি দাবী কৰিছে তদন্তকাৰীৰ এটা দলে৷ দলটোৱে দাবী কৰা মতে লেটিন আমেৰিকাৰ গহনা ডিজাইনাৰ হিচাপে এটা দশক ধৰি নেপলছত NATOৰ মুখ্য কাৰ্যালয়ৰ সমীপতে গহনাৰ প্ৰতিষ্ঠান স্থাপন কৰি NATOৰ কৰ্মচাৰীৰ বিষয়াৰ সৈতে সঘনাই পাৰ্টি কৰি আহিছিল ৰহস্যময়ী যুৱতীগৰাকীয়ে।
তদন্তকাৰীৰ উদ্ধৃতিৰে দ্য গাৰ্ডিয়ান-এ প্ৰকাশ কৰা মতে, ৰহস্যময়ী চোৰাংচোৱা মহিলাগৰাকীৰ হৈছে মাৰিয়া এডেলা কুহফেল্ট ৰিভেৰা। ৰিভেৰাই নিজকে এজন জাৰ্মান পিতৃ আৰু পেৰুৰ মহিলাৰ সন্তান বুলি পৰিচয় দিছিল। ৰিভেয়াই দিয়া পৰিচয়ৰ মতে তেওঁৰ লেটিন আমেৰিকাৰ পেৰুৰ কালাও চহৰত জন্ম হৈছিল৷
ইটালীৰ লা ৰিপাব্লিকা আৰু জাৰ্মানীৰ ডাৰ স্পিগেলকে ধৰি কেইবাটাও সংবাদ সংস্থাৰ সৈতে অংশীদাৰিত্বৰে বেলিংকেট-এ কৰা অনুসন্ধান অনুসৰি ৰিভেৰাৰ প্ৰকৃততে পেৰুত জন্ম হোৱা নাছিল আৰু তেওঁ জাৰ্মান পিতৃ আৰু পেৰুৱীয়ান মাতৃৰ কন্যা নহয়৷ ৰিভেৰা প্ৰকৃততে ৰাছিয়াৰ এগৰাকী জি আৰ ইউ বিষয়াহে আছিল।
লগতে পঢ়ক সীমান্তত সিদ্ধু মুছৱালাৰ গীতত চিৰ বৈৰী ভাৰত আৰু পাকিস্তানৰ সেনাৰ নৃত্য, ভাইৰেল হ’ল ভিডিঅ’
বেল্লিংকেটত এলিয়ট হিগ্গিনছ আৰু ক্ৰিষ্ট’ গ্ৰ’জেভে দাবী কৰা অনুসৰি এডেলা কুহফেল্ট ৰিভেৰাৰ প্ৰকৃত নাম অ’লেগা ক’লাব’ভা৷ ৰিভেৰাই ২০০৫ চনেৰে পৰা ৰাছিয়াৰ জি আৰ ইউত যোগদান কৰি গুপ্ত চোৰাংচোৱা হিচাপে কাম আৰম্ভ কৰিছিল৷
দাবী কৰা অনুসৰি ৰিভেৰা গুপ্ত চোৰাংচোৱাগিৰি কৰিবলৈ প্ৰশিক্ষণ লাভ কৰিছিল। উল্লেখ্য যে ছোভিয়েট পতনৰ পিছৰে পৰা মস্কোৰ চোৰাংচোৱা সংস্থাসমূহে অবৈধ পদ্ধতি ব্যৱহাৰ কৰি আহিছে। ২০১৩ চনত ৰিভেৰাই এগৰাকী ইটালিয়ান লোকৰ সৈতে বিবাহপাশথ আৱদ্ধ হয় যদিও লোকজন এক পথ দুৰ্ঘটনাত মৃত্যু হয়৷
In July 2012, Maria Adela married a man who she told friends was an Italian, but tragedy struck when he died in Moscow on 13 July 2013 aged 30, the cause of death recorded in the death certificate as “double pneumonia and systemic Lupus”. pic.twitter.com/5Cyr8TYkrR
— Eliot Higgins (@EliotHiggins) August 26, 2022
উল্লেখ্য যে দশক দশক ধৰি নিজৰ ভুৱা পৰিচয়েৰে বিভিন্ন প্ৰতিদ্বন্দ্বী ৰাষ্ট্ৰ আৰু সংস্থাৰ বিৰুদ্ধে চোৰাংচোৱাগিৰি কৰি অহাৰ অভিযোগ উত্থাপন হৈ আহিছে৷
লগতে পঢ়ক ছাত্ৰীৰে মেচেঞ্জাৰত যৌনগন্ধী বাৰ্তালাপ! নিলম্বিত হ’ল লখিমপুৰ কলেজৰ অধ্যক্ষ বিমান চন্দ্ৰ চেতিয়া
ইফালে দ্য গাৰ্ডিয়ানৰ মতে, ৰিভেৰাই ৰোম, মাল্টা আৰু পেৰিছত অবৈধভাৱে বাস কৰি আহিছে। অৱশেষত ২০১৩ চনৰ আশে-পাশে NATOৰ নেপলছৰ মুখ্য কাৰ্যালয়ত বসতি স্থাপন কৰি NATOৰ ওপৰত চোৰাংগিৰি কৰিবলৈ আৰম্ভ কৰে৷ সেই স্থানতে ৰিভেৰাই চেৰেন নামৰ এখন গহনা বুটিক প্ৰতিষ্ঠান স্থাপন কৰি তাতে সামাজিক জীৱন যাপন কৰি আহিছিল।
ৰিভেৰাৰ পৰিচিতসকলৰ মতে ৰিভেৰাই আন্তঃৰাষ্ট্ৰীয় লায়ন্স ক্লাবৰ নেপলছ শাখাত সচিবৰ ভূমিকা পালন কৰি তেওঁ নাটোৰ বহু কৰ্মচাৰী আৰু অন্যান্য মিত্ৰশক্তিৰ সৈতে বন্ধুত্ব কৰিবলৈ সক্ষম হৈছিল।
নাটোৰ এজন কৰ্মচাৰীয়ে তদন্তকাৰীক জনোৱা মতে, ৰিভেৰাৰ সৈতে তেওঁৰ প্ৰেমৰ সম্পৰ্কও আছিল। ৰহস্যময়ী ৰিভেৰাই পৰিচয় উদ্ধাৰ কৰাৰ পিছতে মস্কোৱে NATOৰ ওপৰত দীৰ্ঘদিন ধৰি গোপনে চোৰাংচোৱাগিৰি কৰি অহা বুলি ধাৰণা কৰা হৈছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
