অসম লাইভ২৪ঃ বিতৰ্কই লগ এৰা দিয়া নাই পৰিচালক ছাজিদ খানক। জনপ্ৰিয় ৰিয়েলিটি শ্ব’ বিগ বছ-১৬ ত অংশগ্ৰহণ কৰাৰ পিছতেই ছাজিদৰ বিতৰ্কবোৰো বেছিকৈয়ে ভাইৰেল হ’ব ধৰিছে। ছাজিদৰ বিৰুদ্ধে উত্থাপিত হৈছে অইন কেইবাটাও যৌন নিৰ্যাতনৰ অভিযোগ।
ছাজিদৰ বিৰুদ্ধে প্ৰয়াত অভিনেত্ৰী জিয়া খানৰ ভগ্নী কৰিশ্মা খানে আনিছে এই অভিযোগ। ছাজিদে জিয়াক অভিনয়ৰ ৰিহাৰ্ছেল চলি থকাৰ সময়তে অন্তৰ্বাস খুলিবলৈ জোৰ কৰিছিল। জিয়াই স্ক্ৰিপ্ট পঢ়ি থকাৰ সময়তে এই আহ্বান জনাইছিল। জিয়াৰ ভগ্নীয়ে উল্লেখ কৰা অনুসৰি জিয়াক ছবিখনৰ শ্বুটিঙৰ পূৰ্বেই যৌন নিৰ্যাতনৰো চেষ্টা চলাইছিল ছাজিদে।
কেৱল জিয়াকেই যৌন নিৰ্যাতনৰ চেষ্টা চলাইছিল এনে নহয়। জিয়াৰ ভগ্নী কৰিশ্মাকো ছাজিদে চলাইছিল যৌন নিৰ্যাতন। কৰিশ্মাই এই সন্দৰ্ভত তেওঁৰ মন্তব্যত কয়,’মই এবাৰ জিয়া বাৰ সৈতে ছাজিদৰ ঘৰলৈ গৈছিলো। ডাইনিং হলতেই ছাজিদে মোক স্পৰ্শ কৰাৰ চেষ্টা চলাইছিল। তেতিয়া মোৰ বয়স মাত্ৰ ১৬ বছৰ। তেওঁ মোক নৈশ যাপনৰ বাবেও প্ৰস্তাৱ দিছিল। এই প্ৰস্তাৱ শুনি জিয়া বাই লগে লগে প্ৰতিবাদ কৰি উঠে। লগে লগেই মোক লৈ তেওঁৰ ঘৰৰ পৰা ওলাই আহে।’ দেশৰ সংবাদ সংস্থা বিবিচি-ত দিয়া এক সাক্ষাৎকাৰত এই কথা উল্লেখ কৰিছে জিয়াৰ ভগ্নী কৰিশ্মাই।
ছাজিদৰ সৈতে থকা এই তিক্ত অভিজ্ঞতাৰ পিছতো জিয়াই ছাজিদৰ ছবিত অভিনয় কৰে। কাৰণ পূৰ্বেই ছবিখন কৰাৰ চুক্তিপত্ৰত স্বাক্ষৰ কৰিছিল জিয়াই। ইয়াৰোপৰি কৰিশ্মাই উল্লেখ কৰিছে যে তেওঁৰ ছবিত স্বাক্ষৰ কৰিবলৈ হ’লে অভিনেত্ৰীসকলে পূৰ্বে নগ্ন ছবি তেওঁলৈ প্ৰেৰণ কৰিব লাগে। কেৱল সেয়াই নহয় ছাজিদে তেওঁৰ শ্বুটিঙৰ স্থানতেই অভিনেত্ৰীসকলৰ উপস্থিতিতেই এডাল্ট ছবি চোৱাৰ লগতে অভিনেত্ৰীসকলকো চাবলৈ বাধ্য কৰোৱাই।
উল্লেখ্য যে, ২০১৮ চনত হোৱা ‘Me Too’ আন্দোলনৰ সময়তো ছাজিদৰ বিৰুদ্ধএ যৌন নিৰ্যাতনৰ অভিযোগ আনিছিল কেইবাগৰাকীও অভিনেত্ৰীয়ে। ছাজিদৰ বিৰুদ্ধে ছবিত অভিনয়ৰ প্ৰস্তাৱ দি যৌনাকাংক্ষা পূৰণৰ চেষ্টা চলোৱাৰো অভিযোগ উত্থাপিত হৈছিল। এই অভিযোগৰ পিছতেই ছাজিদক এবছৰৰ বাবে ‘ইণ্ডিয়ান ফিল্ম এণ্ড টেলিভিছনৰ ডাইৰেক্টৰছ এছচিয়েছন’ৰ পৰা আঁতৰাই দিয়া হৈছিল। এই বিতৰ্ক অব্যাহত থকাৰ মাজতেই সম্প্ৰতি বিগ বছ ১৬- ত অংশগ্ৰহণ কৰিছে ছাজিদে। বিগ বছ১৬-ত তেওঁ জনপ্ৰিয়তা অৰ্জন কৰিবনে? এইসকল অভিনেত্ৰীয়ে ছাজিদৰ বিৰুদ্ধে উত্থাপন কৰা অভিযোগসমূহ থকাৰ পিছত দৰ্শকে এইগৰাকী পৰিচালকক ভোট দিবনে? সেয়াহে এতিয়া গুৰুত্বপূৰ্ণ প্ৰশ্ন হৈ পৰিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
