অসম লাইভ২৪ঃ এটা জিনছৰ দাম ৭২ লাখ টকা! পুৰণি ফটা জিনছ এটাৰ দাম ইমান কেনেকৈ হ’ব পাৰে? ৫ বছৰ পূৰ্বে আমেৰিকাৰ এটা পৰিত্যক্ত খনিৰ কাষত উদ্ধাৰ হৈছিল পুৰণি জিনছটো৷ পৰিত্যক্ত এই জিনছটো উদ্ধাৰ কৰিছিল প্ৰত্নতাত্ত্বিক মাইকেল হেৰিছে৷ জিনছটো লাভ কৰাৰ পিছতেই নিলাম বজাৰত দৰ উঠিছিল জিনছটোৰ৷ এটা ফটা জিনছৰ নিলাম বজাৰত কিয় দৰ উঠিছে?
ষ্টিভ নামৰ ব্যক্তিগৰাকীয়ে ক্ৰয় কৰিছে এই বিশেষ জিনছটো৷ তিনি দশকৰো অধিক সময় ধৰি লছ এঞ্জেলছত ডেনিমৰ ব্যৱসায় কৰি আহিছে ষ্টিভে৷ কিন্ত এনে এটা জিনছ কাহানিও দেখা নাছিল ডেনিম কোম্পানীৰ মালিক ষ্টিভেও৷ ষ্টিভে প্ৰকাশ কৰা অনুসৰি উদ্ধাৰ হোৱা জিনছটোত ব্যৱহৃত কাপোৰ আজিও বেয়া হৈ যোৱা নাই৷
উদ্ধাৰ কৰা এই জিনছটোৰ পকেটত লিখা কেইটিমান কথাৰ বাবেই নিলাম বজাৰত দৰ উঠিছে জিনছটোৰ৷ আমেৰিকাৰ ধুসৰ ইতিহাসৰ জীৱন্ত সাক্ষী এই জিনছটো৷ উদ্ধাৰ হোৱা জিনছটোৰ পকেটত স্পষ্টকৈ লিখা আছে, ‘দি অনলি কাইন্ড মেড বাই হোৱাইট লেবাৰ’৷
১৮৮২ চনত আমেৰিকাত আৰম্ভ হোৱা ‘চীনা শ্ৰমিক বৰ্জন আইন’ আৰম্ভ হোৱাৰ সময়তে এই শ্লোগান আমেৰিকাত চলিছিল বুলি প্ৰকাশ কৰিছে জিনছটোৰ ক্ৰেতাগৰাকীয়ে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
