বিবাহ বুলিলেই লাখ লাখ টকা খৰচৰ কথা পোনতেই মনলৈ আহে৷ কাৰণ এখন সামাজিক বিবাহ কৰিবলৈ ভাৰতীয়ই এই ধন খৰচ কৰাটো এক পৰম্পৰাই৷ পোছাক, খোৱাবোৱা, উপহাৰ, বিবাহৰ অনুষ্ঠান মানেই বিপুল পৰিমাণৰ অৰ্থ ব্যয়৷ যাৰবাবে বিয়া বুলিলেই দুঃশ্চিন্তা বাঢ়ে বহু পৰিয়ালৰ৷ কিন্তু জানেনে, এই যুগতো মাত্ৰ ২০ টকাতেই বিবাহৰ অনুষ্ঠান সম্পন্ন কৰিব পাৰি ভাৰতৰেই এক স্থানত৷
মাত্ৰ ২০ টকা খৰচ কৰিলেই কইনা পক্ষই বিয়া দি কন্যা পঠিয়াব পাৰে পাত্ৰৰ ঘৰলৈ৷ ভাৰতৰ এই গাওঁত বিবাহ মানেই লাখ লাখ ধনৰ অংক সেই কথা মিছা প্ৰমাণিত হৈছে৷ ছত্তিশগড়ৰ গাড়িয়া উপজাতিৰ মাজত মাত্ৰ ২০ টকাতেই বিয়া কৰোৱাৰ এক ৰীতি এতিয়াও প্ৰচলিত আছে৷ যুগ যুগ ধৰি এই নিয়ম জাৰি আছে ছত্তিশগড়ত৷ ছত্তিশগড়ৰ বাটাগাওঁ এলেকাত থাকে গাড়িয়া উপজাতিৰ বাসিন্দাসকল৷ এক প্ৰজন্মৰ পৰা আন এক প্ৰজন্মলৈ এই ৰীতি তেওঁলোকে পালন কৰি আহিছে৷ ৰীতি অনুসৰি কোনো পাত্ৰী পছন্দ হ’লে পাত্ৰী পৰিয়ালক ২০ টকা দিব লাগে দৰাপক্ষই৷ তাৰপিছতেই কন্যাপক্ষই কইনাক দৰাঘৰলৈ পঠিয়াই দিয়ে৷
স্থানীয় বাসিন্দাসকলে জনাইছে যে কোনো কাৰণত বিয়া ভাঙিলে সেই টকা পাত্ৰৰ ঘৰক ঘূৰাই দিব লাগে কইনাপক্ষই৷ তাৰপাছতেই কন্যাক নিজ ঘৰলৈ লৈ যাব পাৰে কইনাপক্ষই৷ এই বিবাহৰ আৰু কেইটামান নিয়ম আছে৷ যেনে বিয়াৰ পূৰ্বে পাত্ৰ-পাত্ৰীক এটা ঘৰত তিনিদিনৰ বাবে বন্ধ কৰি ৰখা হয়৷ এইদৰে একেলগে ৰখাৰ ফলত দুয়োৰে মাজত পৰিচয় গঢ়ি উঠে৷
গাড়িয়া উপজাতিৰ বাসিন্দাসকলে জনোৱা অনুসৰি বহু বছৰ আগতে তেওঁলোকৰ মাত্ৰ ৬টকাতো বিয়া হৈছিল৷ এতিয়া সামগ্ৰীৰ দাম বাঢ়িছে বাবে বহুতে বিবাহৰ বাবে ৫০০ টকা খৰচ কৰে৷ আৰু যদি কোনো ৫০০ টকা খৰচ কৰিব নিবিচাৰে তেন্তে ২০ টকাতো এই বিবাহ সম্পন্ন হয়৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
