অসম লাইভ ২৪ ডিজিটেল ডেস্কঃ নেৰানেপেৰা বৰষুণৰ ফলত বদৰপুৰ পাহাৰীয়া ৰেলপথত ভূমিস্খলন৷ ডিমাহাচাও জিলাৰ মুপা ৰেল ষ্টেচনৰ ওচৰত প্ৰায় ২৫০ মিটাৰ ৰেলপথ ক্ষতিগ্ৰস্ত হৈছে৷ মেৰামতিৰ কাম আৰম্ভ হৈছে যদিও পথচোৱা কেতিয়ালৈ সুচল হ’ব এইমুহূর্তত কোৱাটো সম্ভৱ নহয়৷ ইপিনে ভূমিস্খলনৰ কাৰণে ৰেল পৰিসেৱা ব্যাহত হৈছে যদিও চেন্নাই-জিৰিবাম এক্সপ্ৰেছ লাংমডিং ষ্টেচনত ৰখাই দিয়াৰ বপৰীতে আনন্দ বিহাৰ-আগৰতলা ৰাজধানী এক্সপ্ৰেছ বদৰপুৰ ষ্টেচনৰ পৰা ওভতাই পঠোৱা হৈছে৷ ভূমিস্খলনত মৃত্যুৰ সংখ্যা প্ৰায় ২২ জনলৈ বৃদ্ধি পাইছে৷ ভূমিস্খলনৰ ডিমাহাচাওৰ উপৰি বৰাক উপত্যকা, মণিপুৰ, মিজোৰাম আৰু ত্ৰিপুৰা দেশৰ ৰেল ব্যৱস্থাৰ পৰা বিচ্ছিন্ন হৈছে৷ ক্ষতিগ্ৰস্ত ৰেলপথচোৱাৰ মেৰামতিৰ কাম অব্যাহত আছে যদিও সুচল হ’বলৈ আৰু কিমানদিন লাগিব, সেই কথা এতিয়াও স্পষ্ট হোৱা নাই৷ উক্ত স্থানত উপস্থিত হৈছে লামডিঙৰ ৰেল বিষয়া৷ লগতে মালিগাঁৱৰ পৰা ঘটনাস্থলীলৈ যায় উচ্চপদস্থ ৰেল বিষয়া৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
