৬০-৭০ দশকৰ মোহময়ী অভিনেত্রী ৰঞ্জনা শৰ্মা বৰদলৈৰ দেহাৱসান
বছৰৰ শেষৰটো মাহতো অসমৰ সাংস্কৃতিক জগতৰ পৰা আহিল আন এক দুসংবাদ। ৬০-৭০ দশকৰ মোহময়ী অভিনেত্রী ৰঞ্জনা শৰ্মা বৰদলৈৰ দেহাৱসান।
ককাদেউতা, নাতি আৰু হাতি, মণিৰাম দেৱান, মৰম তৃষ্ণা , লটি-ঘটি, প্ৰতিধ্বনি, ৰতনলাল, সোণমা
ইত্যাদি জনপ্রিয় অসমীয়া বোলছবিৰ অভিনেত্রী আছিল ৰঞ্জনা শৰ্মা বৰদলৈ।
অসমীয়া ছোৱালীয়ে অভিনয় কৰিবলৈ কুন্ঠাবোধ কৰা সময়তে ৰঞ্জনা শৰ্মা বৰদলৈয়ে ৰক্ষণশীল সমাজৰ বান্ধোনৰ পৰা ওলাই আহি অসমীয়া ছবি জগতত নিজৰ প্ৰতিভাৰে সাঁচ বহুৱাবলৈ সক্ষম হৈছিল।
ভাৰত নাট্যম ইত্যাদি নৃত্য কলাৰেও নিজৰ পৰিচয় ৰাজ্যৰ সাংস্কৃতিক জগতত চিনাকি কৰিছিল ৰঞ্জনা শৰ্মা বৰদলৈয়ে।
ডিব্ৰুগড়ৰ জে জে এম নামৰ ব্যক্তিগত চিকিৎসালয়ত ৮০ বছৰ বয়সত আজি সন্ধ্যা ৭:৩০ বজাত তেওঁ শেষ নিঃশ্বাস ত্যাগ কৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
