১৮ ছেপ্টেম্বৰ ২০২৪ বুধবাৰে পালিত হয় ভাদ পূৰ্ণিমা৷ আজিৰ পৰাই আৰম্ভ হৈছে পিতৃপক্ষ৷ ইয়াৰোপৰি আজি হৈছে এই বছৰৰ দ্বিতীয় চন্দ্ৰগ্ৰহণ৷ আজি পুৱা ৬ বাজি ১১ মিনিটত গ্ৰহণ লাগি চন্দ্ৰগ্ৰহণ শেষ হৈছে ১০ বাজি ১৭ মিনিটত৷ মীন ৰাশিত পূৰ্বৰে পৰাই অৱস্থান কৰি আছে ৰাহুৱে৷ তাতেই চন্দ্ৰ প্ৰৱেশ কৰাৰ ফলত গঠিত হৈছে গ্ৰহণ যোগ৷ ইয়াৰোপৰি গ্ৰহণৰ মাজতেই গঠিত হৈছে শুক্ৰ আৰু চন্দ্ৰৰ সমসপ্তক যোগ৷ ইয়াৰ সৈতে চন্দ্ৰ আৰু মঙ্গলে গঠন কৰিছে চতুৰ্থ দশম যোগ৷ যাৰ ফলত গঠিত হৈছে ধন যোগো৷ জ্যোতিষ গণনাই কৈছে যে এইসমূহ যোগৰ প্ৰভাৱত পিতৃপক্ষৰ মাজতেই ভাগ্য সোণৰ দৰে চমকি উঠিব ৫ৰাশিৰ জাতকৰ৷ জানি থওক এই সময়ত ভাগ্য খুলিব কোন কোন ৰাশিৰ জাতকৰ?
মিথুন ৰাশি
চন্দ্ৰ আৰু ৰাহুৰ গ্ৰহণ যোগ অত্যন্ত শুভ হ’ব মিথুন ৰাশিৰ জাতকৰ বাবে৷ এই সময়ত আপুনি আৰ্থিকভাৱে প্ৰচুৰ লাভ কৰিব৷ কেৰিয়াৰত উন্নতি কৰাৰ এটাৰ পাছত আনটো সুযোগ পাব মিথুন ৰাশিৰ জাতকে৷ নতুন চাকৰি পাব পাৰে৷ বৰ্তমানৰ চাকৰিতো পদোন্নতিৰ যোগ আছে৷ নিজৰ উপাৰ্জনৰ ধনেৰে ঘৰত সম্পদ গোটাব পাৰে৷ কোনো সমস্যাই এই সময়ত আপোনাক স্পৰ্শ কৰিব নোৱাৰিব৷
কন্যা ৰাশি
গ্ৰহণৰ সময়ত চন্দ্ৰৰ অৱস্থান কন্যা ৰাশিৰ সপ্তম ঘৰত৷ ইয়াৰ প্ৰভাৱত আত্মনিৰ্ভৰশীল হৈ উঠিব কন্যা ৰাশিৰ জাতক৷ নিদৰ সকলো কাম আপুনি সম্পূৰ্ণ কৰিব পাৰিব৷ এই সময়ত বেছি আৱেগপ্ৰৱণ হৈ উঠিব আপুনি৷ খুব সুন্দৰ অভিজ্ঞতা এই সময়ত লাভ কৰিব আপুনি৷ কৰ্মক্ষেত্ৰত উন্নতি হ’ব৷ জীৱনসংগীৰ সৈতে বুজাপৰা থাকিব৷ হঠাৎ কোনো সূত্ৰৰ পৰা অতিৰিক্ত অৰ্থলাভ কৰিব পাৰে৷
বৃশ্চিক ৰাশি
বৃশ্চিক ৰাশিৰ পঞ্চম ঘৰত গঠিত হৈছে গ্ৰহণ যোগ৷ ৰাহু আৰু চন্দ্ৰৰ মিলনৰ ফলত বোধবুদ্ধি বৃদ্ধি পাব বৃশ্চিক ৰাশিৰ জাতকৰ৷ এই সময়ত আপোনাৰ জ্ঞান বাঢ়িব আৰু নিজৰ জ্ঞান বুদ্ধি কামত লগাই বহু কাম সহজেই সম্পন্ন কৰিব পাৰিব৷ আত্মবিশ্বাসেৰে তুংগত থাকিব বৃশ্চিক ৰাশিৰ জাতক৷ শৰীৰ স্বাস্থ্য পূৰ্বতকৈ মজবুত হ’ব আপোনাৰ৷
মকৰ ৰাশি
মকৰ ৰাশিৰ তৃতীয় ঘৰত চন্দ্ৰ আৰু ৰাহুৰ মিলনত গ্ৰহণ যোগ গঠিত হৈছে৷ এই যোগে আপোনাৰ বাবে শুভ ফল কঢ়িয়াই আনিব৷ ইয়াৰ ফলত পিতৃপক্ষৰ মাজত নানান দিশৰ পৰা লাভৱান হ’ব মকৰ ৰাশিৰ জাতক৷ পৰিশ্ৰম কৰিলে তাৰ সুফল আপুনি অৱশ্যই লাভ কৰিব৷ ব্যক্তিগত জীৱনত সুখ শান্তি বিৰাজ কৰিব৷ আৰ্থিকভাৱে আৰু পেছাগত জীৱনতো উন্নতিৰ যোগ আছে৷
মীন ৰাশি
২০২৪ চনৰ দ্বিতীয় চন্দ্ৰগ্ৰহণৰ প্ৰভাৱত ভাগ্য খুলিব মীন ৰাশিৰ জাতকৰ৷ এই সময়ত আপোনাৰ বাবে বেছ সুখকৰ হ’ব৷ আপোনাৰ ব্যক্তিত্ব আৰু ব্যৱহাৰ আকৰ্ষণীয় হৈ উঠিব৷ আপোনাৰ প্ৰতি আকৃষ্ট হ’ব বহুতেই৷ কৰ্মক্ষেত্ৰত সকলোৰে সৈতে ভাল সম্পৰ্ক বৰ্তি থাকিব মীন ৰাশিৰ জাতকৰ৷ অন্যসকলৰ পৰা আপুনি প্ৰয়োজনত সহায় পাব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
