‘‘মা সৰস্বতীয়ে কোনো বৈষম্য নিবিচাৰে৷’’ সৰস্বতী পূজাত ইছলাম ধৰ্মাৱলম্বী ছাত্ৰীৰ হিজাব পৰিধানৰ সমৰ্থন কৰি এইদৰে মন্তব্য কৰিছে কংগ্ৰেছ নেতা ৰাহুল গান্ধীয়ে।
সৰস্বতী পূজাৰ দিনা কৰ্ণাটকৰ এখন কলেজত ইছলাম ধৰ্মাৱলম্বী ছাত্ৰীয়ে হিজাব পৰিধান কৰাতো নিষিদ্ধকৰণ কৰাৰ পিছতে এই মন্তব্য কৰিছে কংগ্ৰেছৰ উপসভাপতি ৰাহুল গান্ধীয়ে।
কৰ্ণাটকৰ এখন কলেজৰ সিদ্ধান্ত বিৰোধিতা কৰি ৰাহুল গান্ধীয়ে নিজৰ টুইটাৰ হেণ্ডলত হিজাবৰ সমৰ্থনত টুইট কৰি লিখিছে, ‘‘আমি দেশৰ কন্যাসকলৰ ভৱিষ্যৎ ধ্বংস কৰি আছো।’’
কংগ্ৰেছ নেতাগৰাকীয়ে লগতে কয়, ‘‘হিজাব পৰিধান কৰি ছাত্ৰীসকলে শিক্ষা গ্ৰহণ কৰিবলৈ আহে। মা সৰস্বতীয়ে আমাক সকলোকে জ্ঞান দিয়ে, আমাৰ মাজত বৈষম্য নিবিচাৰে।’’
সৰস্বতী পূজাত ইছলাম ছাত্ৰীসকলে হিজাব পৰিধান কৰাটোক কংগ্ৰেছ নেতা ৰাহুল গান্ধীয়ে সমৰ্থন কৰাৰ পিছতে কৰ্ণাটক বিজেপিয়ে প্ৰতিক্ৰিয়া প্ৰকাশ কৰিছে।
কৰ্ণাটক বিজেপিয়ে ওলোটাই কংগ্ৰেছ নেতা ৰাহুল গান্ধীয়ে শিক্ষাক সাম্প্ৰদায়িক কৰণ কৰাৰহে গুৰুতৰ অভিযোগ কৰিছে।
ৰাহুল গান্ধীক আক্ৰমণ কৰি কৰ্ণাটক বিজপিয়ে কয়, ‘‘শিক্ষাক সাম্প্ৰদায়িককৰণ কৰি কংগ্ৰেছৰ সহ স্বত্বাধিকাৰী ৰাহুল গান্ধীয়ে পুনৰ এবাৰ প্ৰমাণ কৰি দিলে যে ভাৰতৰ ভৱিষ্যৎ অতি বিপদজ্জনক। যদি শিক্ষাৰ বাবে হিজাব পৰিধান কৰাটো ইমানেই গুৰুত্বপূ্ৰ্ণ তেনে কংগ্ৰেছ শাসিত ৰাজ্যসমূহত ইয়াক বাধ্যতামূলক নকৰে কিয়?’’
উল্লেখ্য যে কৰ্ণাটকৰ উদুপীৰ কুণ্ডাপুৰৰ ভাণ্ডাকাৰছ আৰ্ট এণ্ড চাইন্স ডিগ্ৰী কলেজৰ ৪০ গৰাকী ইছলামন ধৰ্মাৱলম্বী শিক্ষাৰ্থীয়ে সৰস্বতী পূজাত হিজাব পৰিধান কৰিবলৈ কলেজ কৰ্তৃপক্ষৰ ওচৰত দাবী জনাইছিল৷
ছাত্ৰীসকলে কলেজৰ গেটৰ সন্মুখত কৰ্তৃপক্ষৰ বিৰুদ্ধে প্ৰতিবাদ সাৱ্যস্ত কৰি শুকুৰবাৰে শ্ৰেণীকক্ষৰ পৰাও বিতাৰিত হৈছিল৷
ইয়াৰ পিছতে সমগ্ৰ বিষয়টোৱে দেশৰ সংবাদ মাধ্যমত চৰ্চা লাভ কৰে আৰু কংগ্ৰেছ নেতা ৰাহুল গান্ধীয়ে ইছলাম ধৰ্মাৱলম্বী ছাত্ৰীৰ হিজাব পৰিধানৰ সমৰ্থনত নিজৰ মতামত অতি শক্তিশালীভাৱে ব্যক্ত কৰিছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
