অসম লাইভ ২৪ঃ চলচ্চিত্ৰত অভিনয়ৰ সুযোগ দিয়াৰ প্ৰলোভনেৰে অভিনেত্ৰীক দেহ ব্যৱসায়ত নিয়োগ৷ নাৰী দেহ ব্যৱসায়ত জড়িত থকাৰ অভিযোগত আৰক্ষীৰ জালত পৰে এগৰাকী ব্যক্তি৷ মুম্বাইৰ পূব বৰিভালী অঞ্চলৰ এখন হোটেলৰ পৰা মুম্বাই আৰক্ষীয়ে গ্ৰেপ্তাৰ কৰে নীতিন সিং নামৰ ব্যক্তিগৰাকীক৷ নীতিন সিঙক গ্ৰেপ্তাৰ কৰাৰ লগতে দুগৰাকী কিশোৰীকো উদ্ধাৰ কৰিবলৈ সক্ষম হয় আৰক্ষী৷ কিশোৰীদুগৰাকীৰ ভাষ্য অনুসৰি, অভিযুক্ত নীতিন সিঙে গ্ৰাহকৰ পৰা ৫ লাখ টকা আদায় কৰাৰ বিপৰীতে কিশোৰীদুগৰাকীক দিয়ে মাত্ৰ ২০ হাজাৰকৈ টকা৷ কিশোৰীৰ বলপূৰ্ব্বক দেহ ব্যৱসায়ত জড়িত কৰাৰ অপৰাধত Pocso আইনৰ অধীনত গোচৰ ৰুজু কৰা হৈছে ব্যক্তিগৰাকীৰ বিৰুদ্ধে৷ উল্লেখ্য, বিগত সময়ছোৱাত মুম্বাই আৰক্ষীয়ে বিভিন্ন স্থানত অভিযান চলাই বহুকেইটা দেহ ব্যৱসায় চক্ৰক উৎখাট কৰিবলৈ সক্ষম হৈছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
