অসম লাইভ২৪ঃ ১২ সদস্যবিশিষ্ট মণিপুৰৰ মন্ত্ৰীসভাৰ একমাত্ৰ মহিলা মন্ত্ৰী নেমছা কিগপেনৰ ঘৰ জ্বলাই দিলে দুৰ্বৃত্তই। বুধবাৰে নিশা তেওঁৰ ঘৰত অগ্নিসংযোগ কৰিছে দুষ্কৃতিকাৰীয়ে। অৱশ্যে সেই সময়ত নিজা বাসগৃহত নাছিল মন্ত্ৰীগৰাকী। বুধবাৰে এই ঘটনাৰ পাছতেই বহুতেই এতিয়া প্ৰাণৰ শংকাত ভূগিছে। এই ঘটনাৰ পাছতেই মণিপুৰৰ প্ৰায়সংখ্যক জনতাৰেই এটাই প্ৰশ্ন, ‘মন্ত্ৰীয়ে যিখন ৰাজ্যত সুৰক্ষিত নহয় সেইখন ৰাজ্যত সাধাৰণ জনতাৰ নিৰাপত্তা ক’ত?’
মন্ত্ৰীৰ ঘৰ জ্বলাই দিয়াৰ খবৰ পোৱা মাত্ৰকেই সেই স্থানত উপস্থিত হয় সেনা জোৱান। বুধবাৰে কাংকোপপি জিলাত হোৱা সংঘৰ্ষত ১১ জন লোকৰ মৃত্যু হৈছে। আঘাতপ্ৰাপ্ত হৈছে ১০ জনৰো অধিক লোক। বিগত ৩ মে’ৰ পৰা মণিপুৰত অব্যাহত আছে মেইতেই আৰু কুকিৰ মাজত সংঘাত। এই জাতিসংঘৰ্ষত বৰ্তমানলৈ দুয়োটা সম্প্ৰদায়ৰে কেইবাজনো লোক নিহত হৈছে।
মণিপুৰলৈ শান্তি ঘূৰাই আনিবলৈ কেন্দ্ৰৰ তৰফৰ পৰা একাধিক পদক্ষেপ লোৱা হৈছে যদিও এতিয়াও সমাধানসূত্ৰ উলিয়াব পৰা নাই দলটোৱে। মণিপুৰৰ উপত্যকা এলেকাত বাস কৰা মেইতেই সকলক এছ টি মৰ্যাদা দিয়াক লৈ ক্ষোভিত হৈ পৰিছিল কুকিসকল। কিন্তু কুকিৰ অভিযোগ কোনো কাৰণতে মানি নলয় মেইতেইসকলে। মেইতেইসকলৰ দাবী যে কুকিসকলে তেওঁলোকৰ অধিকাৰ খৰ্ব কৰিছে।
মণিপুৰৰ প্ৰশাসনিক সূত্ৰই জনোৱা অনুসৰি মঙলবাৰে সন্ধিয়াৰ পৰা কাংপোকপি জিলাত আৰম্ভ হৈছে সংঘৰ্ষৰ। মেইতেই খামেনলক, চুল্লোউফাই আৰু আইগেজাং গাওঁত ধাৰাবাহিক আক্ৰমণো চলিছে। তিনিওখন গাওঁৰ প্ৰায় সকলোবোৰ ঘৰতেই অগ্নিসংযোগো কৰা হৈছে। মেইতেই সকলে গুলীচালনাও কৰিছে কুকিক উদ্দেশ্যি। বৰ্তমান সেই অঞ্চলত সেনাই অভিযান চলাই কেইবাটাও মৃতদেহ উদ্ধাৰ কৰিবলৈ সক্ষম হৈছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
