শান্তিৰ নোবেল বঁটাৰ বাবে যোগ্য বিশ্বৰ ভিতৰতে জনপ্ৰিয় নেতা নৰেন্দ্ৰ মোদী- মাৰ্ক মবিয়াছ
শান্তিৰ নোবেল বঁটাৰ বাবে যোগ্য বিশ্বৰ ভিতৰতে জনপ্ৰিয় নেতা নৰেন্দ্ৰ মোদী- মাৰ্ক মবিয়াছ
বিশিষ্ট বিনিয়োগকাৰী মাৰ্ক মবিয়াছে শান্তিৰ নোবেল বঁটাৰ বাবে সুযোগ্য বুলি অবিহিত কৰিছে প্ৰধানমন্ত্ৰী নৰেন্দ্ৰ মোদীক। শান্তিৰ নোবেল বঁটা লাভৰ বাবে যোগ্য নেতা বুলি মোদীৰ নাম উল্লেখ কৰে মাৰ্ক মবিয়াছে।
জাৰ্মান বিনিয়োগকাৰীগৰাকীয়ে ইণ্ডো এছিয়ান নিউজ চাৰ্ভিছ (আইএএনএছ)ৰ সৈতে হোৱা এক সাক্ষাৎকাৰত মোদীক “মহান নেতা” আৰু ”অতি ভাল ব্যক্তি” বুলি অভিহিত কৰি মোদীক শান্তিৰ নোবেলৰ বাবে যোগ্য বুলি অবিহিত কৰে। মবিয়াছে কয় যে, আন্তঃৰাষ্ট্ৰীয় পৰ্যায়ত তেওঁৰ ভূমিকা অতি গুৰুত্বপূৰ্ণ, আগলৈ গৈ বিশ্ব পৰ্যায়ত তেখেতৰ গুৰুত্ব অধিক বৃদ্ধি পাব।
মবিয়াছ ইমাৰ্জিং অপাৰচনিটিজ ফাণ্ডৰ ৮৮ বছৰীয়া অধ্যক্ষ মাৰ্ক মবিয়াছে কয় যে পি এম মোদী বিশ্বৰ বাবে এক গুৰুত্বপূৰ্ণ শান্তিৰ দূত হ’ব পাৰে। যি সময়ত বিশ্ব বহু অশান্তৰ মাজেৰে গৈ আছে। মাৰ্ক মবিয়াছৰ পুঁজিয়ে উদীয়মান অৰ্থনীতিৰ নতুন সুযোগৰ ওপৰত গুৰুত্ব আৰোপ কৰে।
সংবাদ সংস্থাটোৰ সৈতে হোৱা এক বাৰ্তালাপত মাৰ্ক মবিয়াছে কয় যে পশ্চিম এছিয়াত চলি থকা সংঘাত আৰু ৰাছিয়া-ইউক্ৰেইন যুদ্ধৰ বাবে বিশ্বত সৃষ্টি হোৱা অশান্তিৰ মাজতে প্ৰধানমন্ত্ৰী মোদী এজন অতি গুৰুত্বপূৰ্ণ শান্তিদূত হ’ব পাৰে।
মবিয়াছে লগতে ইয়াকো কয় যে, ‘পি এম মোদী কেৱল এজন মহান নেতা নহয়, এজন মহান মানৱো। মই ভাবো ভৱিষ্যতে বিশ্ব পৰ্যায়ত তেওঁৰ ভূমিকা আৰু অধিক বৃদ্ধি পাব। তেওঁ ৰাজনৈতিক বৰ্ণালীৰ সকলো পক্ষৰ সৈতে বিশ্ব পৰ্যায়ত যোগাযোগ কৰিবলৈ সক্ষম। “ভৱিষ্যতে তেওঁ এজন গুৰুত্বপূৰ্ণ শান্তিদূত হ’ব পাৰে।”
মাৰ্ক মবিয়াছে কয় যে শান্তি নোবেল বঁটাৰ কথা আহিলে প্ৰধানমন্ত্ৰী মোদী “সঁচাকৈয়ে প্ৰায় সকলো কাম কৰিবলৈ সক্ষম” আৰু এই বিশ্বব্যাপী বঁটাৰ যোগ্য।
বিশ্বৰ পৰিস্থিতিত নিৰপেক্ষ হৈ থকা ভাৰতক প্ৰশংসাও কৰে মাৰ্ক মবিয়াছে। তেওঁ কয় যে এইদৰে ভাৰতে সকলোৰে প্ৰতি ন্যায়পৰায়ণ হোৱাৰ ক্ষমতা দেখুৱাইছে। এনে পৰিস্থিতিত বিশ্বৰ মঞ্চত শান্তিৰ মধ্যস্থতাকাৰী হিচাপে কাম কৰিবলৈ ভাৰত অতি ভাল অৱস্থাত আছে আৰু বিশ্বৰ প্ৰধান মধ্যস্থতাকাৰী হ’বলৈও প্ৰধানমন্ত্ৰী সুযোগ্য।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
