ভাৰতৰ এয়াৰ ষ্ট্ৰাইকত নিঃশেষ জয়ছ-ই-মহম্মদৰ মূৰব্বী মাছুদ আজহাৰৰ পৰিয়াল
ভাৰতৰ অতৰ্কীতে কৰা এয়াৰ ষ্ট্ৰাইকত নিঃশেষ হৈছে মাছুদ আজহাৰৰ সমগ্ৰ পৰিয়াল। পাকিস্তানী সংবাদ মাধ্যমৰ মতে, বুধবাৰে পুৱতি নিশা ভাৰতীয় বায়ুসেনাই জয়ছ-ই-মহম্মদৰ মুখ্য সন্ত্ৰাসবাদী মৌলানা মাছুদ আজহাৰৰ ঘৰত আক্ৰমণ চলায়।
এই আক্ৰমণত মাছুদ আজহাৰৰ পৰিয়ালৰ লগতে ১৪টা সন্ত্ৰাসবাদী নিহত হয়। অৱশ্যে মাছুদ আজহাৰে মাত্ৰ ১০ জনৰ মৃত্যুৰ কথা স্বীকাৰ কৰিছে।
প্ৰতিবেদন অনুসৰি ভাৰতীয় সেনাই পুৱা প্ৰায় ১.৩০ বজাত ভাৰতীয় সীমান্তৰ পৰা ১০০ কিলোমিটাৰ দূৰত্বত অৱস্থিত বাহাবলপুৰৰ মাছুদ আজহাৰৰ ঘৰত আক্ৰমণ চলায়।
এই আক্ৰমণত মাছুদৰ আত্মগোপন স্থানত বোমা নিক্ষেপ কৰা হয়, য’ত তেওঁৰ সমগ্ৰ পৰিয়াল সেই সময়ত গভীৰ নিদ্ৰাত আছিল।
প্ৰতিবেদনত কোৱা হৈছে যে বোমাটো পৰি যোৱাৰ লগে লগে পৰিয়ালটোৰ ১৪ জন সদস্যৰ মৃত্যু হয়। অৱশ্যে আক্ৰমণৰ সময়ত ঘৰত উপস্থিত নাছিল মাছুদ আজহাৰ।
পাকিস্তানী সংবাদ মাধ্যমৰ মতে, আক্ৰমণৰ সময়ত মাছুদ আজহাৰৰ জ্যেষ্ঠ ভগ্নী, মৌলানা কাছাফৰ সমগ্ৰ পৰিয়াল, মুফতি আব্দুল ৰাউফৰ নাতি, জ্যেষ্ঠ কন্যা শ্বহীদ বাজী সাদিয়াই স্বামী আৰু চাৰিটা সন্তানৰ সৈতে ঘৰটোত শুই আছিল।
এই আক্ৰমণত ১৪ জন লোকৰ মৃত্যু হোৱাৰ বিপৰীতে কিছু লোক আহত হৈছে। এই আক্ৰমণৰ পিছত মাছুদ আজহাৰে নিজৰ বিবৃতি প্ৰকাশ কৰিছে। মাছুদে কয় যে ঘৰৰ ১০ জন লোকৰ মৃত্যু এতিয়ালৈকে নিশ্চিত হৈছে। যাৰ ভিতৰত আজহাৰৰ পত্নীৰ লগতে ৩ সন্তান নিহত।
মাছুদৰ মতে, এই আক্ৰমণত ৫টা শিশু নিহত হৈছে। একাংশ মহিলাৰো মৃত্যু হোৱাৰ খবৰ পোৱা গৈছে। ইয়াৰ উপৰিও মাছুদৰ ভাতৃৰো মৃত্যু হোৱাৰ খবৰ সদৰি
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
