বিয়াৰ এদিন পাছতেই কাৰোবাৰ সংসাৰ ছিন্নভিন্ন হৈ পৰে। কিছুমানে বিবাহৰ ৩০ বছৰ পিছতো বিবাহ বিচ্ছেদ কৰিছে। বহুতে বিবাহ বিচ্ছেদৰ আবেদন কৰাৰ পিছতো যুগ যুগ ধৰি বিবাহ বিচ্ছেদ নোহোৱাকৈ অৰ্থাৎ মীমাংসা নোহোৱাকৈ পৰি আছে৷
এনেদৰে দীৰ্ঘদিনীয়া বিবাহ বিচ্ছেদৰ আইনী প্ৰক্ৰিয়াৰ পাছত বিবাহ বিচ্ছেদ হোৱা কে’বাজনো পুৰুষে ‘বিজয় উৎসৱ’ উদযাপন কৰিলে। এই ঘটনাটো মধ্যপ্ৰদেশৰ ভূপালত সংঘটিত হৈছে।
ঘটনাৰ বিৱৰণীৰ মতে এটা এন জি অ’ৱে ১৮ জন লোকৰ হৈ বিবাহ বিচ্ছেদৰ গোচৰ চলাই আছিল। দীৰ্ঘদিন ধৰি লোককেইজনে আইনী প্ৰক্ৰিয়াৰে বিবাহ বিচ্ছেদ সম্পন্ন হোৱাৰ পাছতে বিজয় উৎসৱ ‘উদযাপন’ৰ আয়োজন কৰে।
লগতে পঢ়ক চাইবাৰ প্ৰৱঞ্চনা! ছেৰামৰ এক সঞ্চালকৰ পৰা চাইবাৰ অপৰাধীয়ে লুটিলে ১ কোটি টকা
ভূপালৰ বেচৰকাৰী সংস্থাটোৱে দাবী কৰে যে গোচৰটোৰ বিৰুদ্ধে যুঁজি থকাৰ সময়তে ১৮ জন লোকে আৰ্থিক, সামাজিক, পাৰিবাৰিক আৰু আৱেগিক অসুবিধাত ভুগিবলগীয়া হৈছে। সংগঠনটোৱে লগতে দাবী কৰে যে, এনে কাৰ্যসূচীৰ জৰিয়তে বিবাহ বিচ্ছেদ হোৱা পুৰুষৰ মানসিক শক্তি বৃদ্ধি পায়।
বেচৰকাৰী সংস্থাটোৰ এজন সদস্যই কয়, “আমাৰ সংগঠনটোৱে এনে পুৰুষৰ বাবে গোচৰৰ যুঁজ দিয়ে। যোৱা ডেৰ-দুবছৰ ধৰি মই ১৮টা বিবাহ বিচ্ছেদৰ গোচৰত যুঁজিছো। আমি হেল্পলাইনৰ জৰিয়তে তেওঁলোকৰ মানসিক শক্তি বৃদ্ধি কৰিবলৈ চেষ্টা কৰো। আদালতৰ যুদ্ধ, বিপুল পৰিমাণৰ ধন আদিৰ ফলত আৰ্থিক, সামাজিক আৰু আৱেগিকভাৱে বিধ্বস্ত হৈ পৰিছে। গতিকে এই পদক্ষেপ তেওঁলোকৰ মনোবল বৃদ্ধিৰ বাবে কৰা হৈছে।”
আমন্ত্ৰণ পত্ৰও সেই সংস্থাই ছপা কৰে। সেই আমন্ত্ৰণ পত্ৰখন ইতিমধ্যে ভাইৰেল হৈ পৰিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
