যৌনতা মানুহৰ এক স্বাভাৱিক প্ৰবৃত্তি৷ যিমানেই এই বিষয়টোক গোপনে নাৰাখক কিয় স্বাভাৱিক সুস্থ জীৱনৰ বাবে সুখকৰ যৌনজীৱন খুবেই জৰুৰী৷ কেৱল যৌন সুখেই নহয়, শৰীৰৰ ওপৰতো শাৰীৰিক মিলনৰ প্ৰভাৱ পৰে৷ গৱেষণাত ওলাইছে তেনে কেইটামান চমকপ্ৰদ তথ্য৷ সম্প্ৰতি মাৰ্কিন ফিটনেছ প্ৰশিক্ষক ডেন গোৰ এনিয়ে এক পোষ্ট সামাজিক মাধ্যমত শ্বেয়াৰ কৰিছে৷ সেই পোষ্টক লৈ বহুজনে সামাজিক মাধ্যমত নিজা প্ৰতিক্ৰিয়া ব্যক্তও কৰিছে৷
ডেন গোয়ে ইনষ্টাগ্ৰামত পুৰুষৰ যৌনতা আৰু ঘনিষ্ঠতাক অগ্ৰাধিকাৰ দিয়াৰ বিষয়টো কিয় গুৰুত্বপূৰ্ণ সেই বিষয়টো পোষ্টত উল্লেখ কৰা হৈছে৷ আপুনি কিমান ঘনে ঘনে যৌনমিলন কৰে তাৰ প্ৰভাৱ আপোনাৰ দীৰ্ঘম্যাদি স্বাস্থ্যৰ ওপৰত পৰে৷ ইয়াৰ সৈতে গোপনাংগৰ স্বাস্থ্য তিনিটা বিষয়ৰ ওপৰত নিৰ্ভৰ কৰে৷ যি হৈছে সঠিক ৰক্তপ্ৰবাহ, বেলেন্সড হৰমন আৰু তীক্ষ্ণ স্নায়ুৰ কাৰ্যকাৰিতা৷ স্থূলতা, উচ্চ ৰক্তচাপ, ডায়বেটিছৰ দৰে বিপাকীয় সমস্যাসমূহ এই তিনিটা বিষয়কেই ব্যাহত কৰে৷ সেয়ে ইৰেক্টাইল ডিছফাংছনে বহু সময়ত হৃদৰোগৰ প্ৰাথমিক ইংগিত বহন কৰে৷
প্ৰশিক্ষকৰ মতে যিসকলে মাহে মাহে এবাৰ যৌনমিলন কৰে তেওঁলোকে হৃদৰোগৰ আশংকা সপ্তাহত ২-৩ বাৰ যৌনমিলনকাৰীৰ তুলনাত ৪৫শতাংশ বেছি৷ অন্যহাতে যিসকলে ঘনে ঘনে বীৰ্যপাত কৰে তেওঁলোকৰ তুলনাত মাহত ২১ বাৰ বা তাতকৈ বেছি বীৰ্যপাত কৰাসকলৰ প্ৰষ্টেট কৰ্কটৰ আশংকা কম৷ এই ক্ষেত্ৰত যদি আপোনাৰ যৌন ইচ্ছা বা ক্ষমতা নাথাকিলে ঔষধ খোৱাৰ সলনি সুস্থ জীৱনযাপনৰ দিশত নজৰ ৰাখিবলৈ পৰামৰ্শ দিছে মাৰ্কিন ফিটনেছ প্ৰশিক্ষকে৷
সাম্প্ৰতিক গৱেষণাই কিন্তু অন্য কথাহে কৈছে৷ যদিও গৱেষকসকলৰ একাংশৰ মত, ঘনে ঘনে যৌনমিলনৰ হোৱা লোকৰ হৃদৰোগৰ আশংকা কম৷ কিন্তু সকলোক্ষেত্ৰত এয়া প্ৰযোজ্য নহয়৷ প্ৰকৃততে সংগম কৰাৰ সময়ত শৰীৰত ৰক্ত প্ৰবাহ আৰু অক্সিজেনৰ মাত্ৰা বাঢ়ে৷ ইয়াত কাৰ্ডিঅভাছকুলাৰ স্বাস্থ্য ভালে থাকে৷ ২০১০ চনত নেশ্ব্যনেল ইনষ্টিটিউট অফ হেলথৰ এক গৱেষণাত দেখা গৈছে যে যিসকলে মাহত এবাৰ বা তাতকৈ কম যৌনমিলন কৰে তেওঁলোকৰ তুলনাত যিসকলে সপ্তাহত কমপক্ষেও দুবাৰ যৌনমিলন কৰে তেওঁলোকৰ হৃদৰোগৰ আশংকা কিছু পৰিমাণে কম হয়৷ গৱেষণাই কৈছে যৌনতা একধৰণৰ ব্যায়াম হব পাৰে আৰু মানসিক চাপ কমোৱাৰ ঔষধো৷ এই দুই বিষয়েই হাৰ্টৰ স্বাস্থ্যৰ বাবে উপকাৰী৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
