অসম লাইভ২৪ঃ ২০২২ ৰ বিশ্বকাপ জয় কৰা মেছিৰ সম্পত্তিৰ পৰিমান কিমান জানেনে? মাত্ৰ ৩৫ বছৰ বয়সতেই মেছিয়ে ৰাজকীয় এক জীৱন যাপন কৰে। সমগ্ৰ বিশ্বজুৰি লিওনেল মেছিৰ আছে প্ৰায় ২৩ মিলিয়ন পাউণ্ডৰ কেইবাটাও প্ৰাসাদ। ভাৰতীয় টকাত সেই সম্পত্তিৰ পৰিমান হ’ব ২৩৮ কোটি টকা।
গুগলত দেখুওৱা অনুসৰি বৰ্তমান মেছিৰ মুঠ সম্পত্তিৰ পৰিমান প্ৰায় ৪০০ মিলিয়ন ডলাৰ। ভাৰতীয় মুদ্ৰাত সেই ধনৰ পৰিমান হ’ব ৩,২৬৮ টকা। বিশ্বৰ ধনী খেলুৱৈৰ তালিকাত শীৰ্ষ ৩ নম্বৰত আছে মেছি। তেওঁ বছৰি উপাৰ্জন প্ৰায় ১৩০ মিলিয়ন ডলাৰ। ভাৰতীয় টকাত সেই ধনৰ পৰিমান হ’ব প্ৰায় ১০৬২ টকা। বিশ্বৰ মুঠ ৪ খন দেশত আছে মেছিৰ বিলাসী প্ৰাসাদ। তাৰ ভিতৰত সবাতোকৈ দামী প্ৰাসাদটো আছে স্পেইনৰ ইবিজা আইলেণ্ডত। এই প্ৰাসাদৰ মুল্য হৈছে প্ৰায় ৯.৫ মিলিয়ন পাউণ্ড। ভাৰতীয় টকাত সেই সম্পত্তিৰ মুল্য হ’ব প্ৰায় ৯৭ কোটি টকা। বৰ্তমান বিশ্বকাপ জয় কৰিয়েই মেছি উৰা মাৰিছে স্পেইনৰ সেই বিলাসী প্ৰাসাদলৈ। সূত্ৰই প্ৰকাশ কৰা মতে এই প্ৰাসাদৰ নিৰ্মাণকাৰ্য এতিয়াও সম্পূৰ্ণ হৈ উঠা নাই।
মেছিৰ বাৰ্ছিলোনাতো আছে ৫.৫ পাউণ্ডৰ এটি বাংলো। ভাৰতীয় টকাত এই বাংলোৰ মুল্য হ’ব ৫৬ কোটি টকা। এই বাংলোটো বাৰ্ছিলোনাৰ বিখ্যাত ন্যু ষ্টেডিয়ামৰ পৰা মাত্ৰ ১২ কিঃমিঃ দূৰত্বত অৱস্থিত। সেই বাংলোটোৰ ভিতৰতেই আছে ফুটবল গ্ৰাউণ্ড, ছুইমিং পুল, ইনডৰ ষ্টেডিয়াম আদি।
মাৰ্কিন যুক্তৰাজ্যৰ মিয়ামিতো আছে মেছিৰ এটা এপাৰ্টমেণ্ট। সেই এপাৰ্টমেণ্টটোৰ দাম ভাৰতীয় মুদ্ৰাত প্ৰায় ৫১ কোটি টকাৰ।
নিজা দেশ আৰ্জেণ্টিনাতো আছে মেছিৰ এটা ঘৰ। আৰ্জেণ্টিনাৰ ৰোজাৰিঅ’ ত থকা সেই ঘৰৰ দাম প্ৰায় ৩১ কোটি টকা। এই গৃহত অত্যধুনিক সকলো সা-সুবিধাই উপলব্ধ। ঘৰৰ ভিতৰতেই আছে চিনেমা হল, জিম, গেৰেজ, বিশেষ গেৰেজটোতেই আছে মেছিৰ বহু গাড়ীৰ কালেকছনো।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
