বহু সময়ৰ বাবে স্তব্ধ হৈ পৰে বিশ্ব, ৩৬৫ টা এপ বন্ধ হোৱাৰ সমস্যাৰ ফাদিল
১৯ জুলাই শুকুৰবাৰে হঠাতে স্তব্ধ হৈ পৰাৰ দৰে অৱস্থা হয় সমগ্ৰ বিশ্বৰে। ৩৬৫ টা এপছ বন্ধ হৈ পৰে। অৱশ্যে এই সকলো সমস্যাৰ সমাধান হোৱা বুলি লগতে ইয়াপ মূল সমস্যা ধৰা পৰা বুলি মাইক্ৰছফটৰ ফালৰ পৰা সদৰি কৰা হৈছে।
ভাৰততো ইয়াৰ বিৰূপ প্ৰভাৱ পৰে। বিজুতিৰ বাবে ভাৰতীত ২০০ৰো অধিক বিমান বাতিল কৰে, কেৱল ইণ্ডিগ’ই অকলেই ১৯২ খন বিমান বাতিল কৰিবলৈ বাধ্য হয়। বৰ্তমানে পৰিস্থিতি শাম কাটিছে।
মাইক্ৰ’ফট চাৰ্ভাৰ ডাউন পৰাৰ বাবেই এইদৰে স্তব্ধ হৈ পৰে কোটি কোটি লোকৰ জনজীৱন। মাইক্ৰ’ছফ্ট উইণ্ড’জৰ কাৰিকৰী বিজুতিৰ বাবে সমগ্ৰ বিশ্বতে বেংকিং সেৱা আৰু বিমান সেৱাত বেয়াকৈ প্ৰভাৱ পৰে। সমগ্ৰ বিশ্বৰ উইণ্ড’জ ব্যৱহাৰকাৰীসকলে তেওঁলোকৰ ডিভাইচত কিবা বিসংগতি দেখিবলৈ পায়।
এই সমস্যাৰ বাবে চুপাৰ মাৰ্কেট, বেংকিং কাৰ্য্যকলাপ, ষ্টক মাৰ্কেটো বেয়াকৈ প্ৰভাৱিত হৈছে। আমেৰিকাৰ তিনিটা বিমান কোম্পানীয়ে নিজৰ সকলো বিমান বাতিল কৰিবলৈ বাধ্য হয়।
ভাৰতত এয়াৰ ট্ৰেভেল সেৱা প্ৰদান কৰা তিনিটা এয়াৰলাইন কোম্পানীৰ চাৰ্ভাৰত বৃহৎ কাৰিকৰী ত্ৰুটিৰ সন্মুখীন হৈছিল। ইণ্ডিগো, আকাছা এয়াৰ আৰু স্পাইচজেট বিমান সংস্থাসমূহে সমগ্ৰ বিশ্বৰ বহু বিমানবন্দৰত ৱেব চেক-ইনৰ ক্ষেত্ৰত সমস্যাৰ সন্মুখীন হৈছিল।
ইয়াৰ বাবেই মুম্বাই, বাংগালুৰু, দিল্লীকে ধৰি দেশৰ বহু বিমানবন্দৰত যাত্ৰীসকল সমস্যাৰ সন্মুখীন হৈছে। আকাছা এয়াৰে যাত্ৰীসকলক জনাইছে যে তেওঁলোকে বিমানবন্দৰসমূহত মেনুৱেল চেক-ইন আৰু বৰ্ডিঙৰ সুবিধা প্ৰদান কৰিছে।
ফেডাৰেল এভিয়েশন এডমিনিষ্ট্ৰেচনৰ মতে, আমেৰিকাৰ কমেও তিনিটা প্ৰধান বিমান সংস্থা আমেৰিকান, ইউনাইটেড আৰু ডেল্টাই সকলো বিমান বাতিল কৰিছিল। অষ্ট্ৰেলিয়াত নিউ চাউথ ৱেলছ আৰক্ষী বাহিনীয়ে ছ’চিয়েল মিডিয়াত কয় যে তেওঁলোকে ব্যৱস্থা বিচ্ছিন্ন হোৱাৰ বিষয়ে অৱগত। অষ্ট্ৰেলিয়াৰ অন্যতম বৃহৎ আৰু ব্যস্ত পৰিবহণ কেন্দ্ৰ ছিডনী বিমানবন্দৰতো সমস্যা।
বৰ্তমানে ইণ্ডিগ’ৰ ফালৰ পৰা কয় যে পৰিস্থিতি ফলপ্ৰসূভাৱে পৰিচালনা কৰিবলৈ অতিৰিক্ত ব্যৱস্থা গ্ৰহণ কৰা হৈছে। বাতিল কৰা বিমানত থকা গ্ৰাহকসকলক বিমানবন্দৰত উপস্থিত নহ’বলৈ পৰামৰ্শ দিয়া হৈছে, আৰু সম্ভৱ হ’লে বিকল্প উপায় আগবঢ়োৱা হৈছে বুলিও কোৱা হৈছে।
ইফালে বিমান পৰিবহণ মন্ত্ৰী ৰামমোহন নাইডু কিঞ্জৰাপুয়েও এই বিষয়টো স্বীকাৰ কৰি কয় যে চৰকাৰে “অপাৰেচন পৰিচালনাৰ বাবে অক্লান্তভাৱে কাম কৰি আছে”।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
