টকাই টকা, গণি শেষ কৰিব নোৱাৰি! মন্ত্ৰীৰ পিএৰ লগুৱাৰ ঘৰত ওলাল টকাৰ পাহাৰ
এফালে নিৰ্বাচনী বতাহ। তৃতীয় পৰ্যায়ৰ নিৰ্বাচনক লৈ দেশৰ বহু প্ৰান্তত ৰাজনৈতিক নেতা সকলৰ মাজত জয়-পৰাজয়ৰ শংকা। কোন জিকিব কোন হাৰিব, কোনে পাতিব চৰকাৰ তাকে লৈ হৈ চৈ। তাৰ মাজতে সন্ধান ওলাইছে টকাৰ পাহাৰ। এগৰাকী মন্ত্ৰীৰ পি এৰ লগুৱাৰ ঘৰত ওলাইছে টকাই টকা।
আজি সোমবাৰে পুৱাই ঝাৰখণ্ডৰ ৰাজধানী ৰাঁচীৰ বিভিন্ন অঞ্চলত বলবৎকাৰী সঞ্চালকালয়(ED) এ অভিযান চলায়। সেই অভিযান কালতে ইডিয়ে উদ্ধাৰ কৰে বস্তাই বস্তাই টকা।
বীৰেন্দ্ৰ কে ৰাম গোচৰত ঝাৰখণ্ডৰ গ্ৰামোন্নয়ন মন্ত্ৰী আলমগীৰ আলমৰ ব্যক্তিগত সম্পাদক (personal secretary, পিএ) সঞ্জীৱ লালৰ ঘৰুৱা সহায়কৰ ঘৰৰ পৰা এই বিপুল পৰিমাণৰ নগদ ধন উদ্ধাৰ কৰা হয়।
এতিয়ালৈকে ৩০ কোটিতকৈ অধিক টকা উদ্ধাৰ কৰা হৈছে লগতে গণনা কৰা হৈছে। বিষয়াসকলে জানিবলৈ দিয়া অনুসৰি বৰ্তমানেও গণনা চলি আছে।
ইডিয়ে ঝাৰখণ্ড গ্ৰামোন্নয়ন বিভাগৰ মুখ্য অভিযন্তা বীৰেন্দ্ৰ কে ৰামক ২০২৩ চনৰ ফেব্ৰুৱাৰী মাহত ধন সৰবৰাহৰ গোচৰত গ্ৰেপ্তাৰ কৰিছিল । একাংশ আঁচনি ৰূপায়ণত সংঘটিত হোৱা কথিত অনিয়মৰ সৈতে জড়িত ধন সৰবৰাহৰ গোচৰত গোচৰ ৰুজু কৰিছিল অভিযন্তা বীৰেন্দ্ৰ কে ৰামৰ বিৰুদ্ধে। তালাচীৰ সময়ত বীৰেন্দ্ৰ ৰামৰ ওচৰত ১৫০ কোটি টকাৰ সম্পত্তি লাভ কৰিছিল।
সেই একেটা গোচৰৰ বিষয়তে বিজেপিৰ সাংসদ নিশিকান্ত ডুবেই ঝাৰখণ্ড চৰকাৰৰ মন্ত্ৰী আলমগীৰ আলমক লক্ষ্য কৰি কৈছিল, ‘এয়া আলমগীৰ আলমৰ ধন, আন কাৰো টকা নহয় আৰু গণনা ৫০ কোটি টকাৰ ওপৰত হ’ব। হেমন্ত সোৰেন জেলত, এয়া ছিণ্ডিকেট অপৰাধ। বাংলাদেশীক নিমন্ত্ৰণ কৰি এই ঠাইখনৰ জনগাঁথনি সলনি কৰি আছে। এতিয়া ঝাৰখণ্ডত ৰাষ্ট্ৰপতিৰ শাসনৰ বাহিৰে আন কোনো বিকল্প নাই।’
https://x.com/ANI/status/1787317274535231860
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
