দেশৰ এই ঠাইত হঠাতে ২৪ ঘণ্টাৰ বাবে বন্ধ কৰি দিয়া হল ইণ্টাৰনেট আৰু SMS সেৱা
আজি ২১ জুলাই তাৰিখে দেশৰ এখন ঠাইত ২৪ ঘণ্টাৰ বাবে বন্ধ কৰি দিয়া হয় ইণ্টাৰনেট সেৱা আৰু এছএমএছ সেৱা। হাৰিয়ানাত দিয়া হৈছে এই নিৰ্দেশনা। ৰাজ্যখনৰ ব্ৰজ মণ্ডল যাত্ৰা সন্দৰ্ভত এই নিৰ্দেশনা জাৰি কৰে নায়াব সিং ছোনী চৰকাৰ।
এই সন্দৰ্ভত হাৰিয়ানা চৰকাৰে দেওবাৰে সন্ধিয়া ৬ বজাৰ পৰা ২৪ ঘণ্টাৰ বাবে নুহ নামৰ ঠাইত মোবাইল ইণ্টাৰনেট আৰু বাল্ক এছএমএছ সেৱা বন্ধ কৰাৰ নিৰ্দেশ দিছে। হাৰিয়ানা চৰকাৰৰ গৃহ বিভাগে জাৰি কৰিছে নিৰ্দেশ। দৰাচলতে যোৱা বছৰ এই শোভাযাত্ৰাৰ সময়ত নুহত হিংসাত্মক কাৰ্য সংঘটিত হৈছিল।
আজিৰে দেওবাৰৰে আৰম্ভ হৈ সোমবাৰে সন্ধিয়া ৬ বজালৈ বন্ধ থাকিব এই দুয়োটা সেৱা। হাৰিয়ানাৰ গৃহ বিভাগৰ অতিৰিক্ত মুখ্য সচিব অনুৰাগ ৰাষ্টোগীয়ে কয় যে নুহত মোবাইল ইণ্টাৰনেট ২জি, ৩জি, ৪জি, ৫জি আৰু বাল্ক এছএমএছ সেৱা বন্ধ থাকিব।
অৱশ্যে এই ক্ষেত্ৰত বেংকিং, মোবাইল ৰিচাৰ্জ আৰু ভইচ কল অব্যাহত থাকিব। নুহ অঞ্চলত বিগত বৰ্ষৰ দৰে যাতে এইবাৰ শান্তি আৰু জনশৃংখলাৰ কোনো ধৰণৰ অশান্তি নহয়, তাৰ বাবে এই নিৰ্দেশ জাৰি কৰা হৈছে। যদি কোনোবাই এই আদেশ উলংঘা কৰে তেন্তে তেওঁৰ বিৰুদ্ধে কঠোৰতম ব্যৱস্থা গ্ৰহণ কৰা হ’ব বুলিও সদৰি।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
