গৌৰৱৰ ক্ষণ, দেশৰ ভিতৰত শ্ৰেষ্ঠ মুখ্যমন্ত্ৰী হিমন্ত বিশ্ব শৰ্মাঃ যোগী, মমতা, নাইডু সকলো ম্লান মুখ্যমন্ত্ৰী ডঃ শৰ্মাৰ জনপ্ৰিয়তাৰ ওচৰত

ইণ্ডিয়া টুডেৰ ২০২৫ৰ আগষ্টৰ Mood of the Nation (MOTN) Survey 2025 সমীক্ষা অনুসৰি অসমৰ মুখ্যমন্ত্ৰী হিমন্ত বিশ্ব শৰ্মাই দেশৰ প্ৰধান ৰাজ্যসমূহৰ ভিতৰত শ্ৰেষ্ঠ মুখ্যমন্ত্ৰীৰ সন্মান লাভ কৰিছে৷ Mood of the Nation (MOTN) Survey 2025ৰ ৰিপৰ্ট অনুসৰি অসমৰ মুখ্যমন্ত্ৰী হিমন্ত বিশ্ব শৰ্মাই ৫৫.৪ শতাংশ ৰেটিং লাভ কৰিছে৷ বিগত দুবছৰত তেওঁৰ জনপ্ৰিয়তা ক্ৰমাগতভাৱে বৃদ্ধি পাইছে৷ ২০২৪ চনত ৫০.৮ শতাংশ তাৰপূৰ্বে ২০২৪ চনৰ ফেব্ৰুৱাৰী মাহত ৪৮.৬শতাংশ আৰু ২০২৩ চনৰ আগষ্ট মাহত ৪৯.২ শতাংশ ৰেটিং লাভ কৰিছিল৷ ৰেটিঙেৰে মুখ্যমন্ত্ৰী ডঃ শৰ্মাই পিছপেলাইছে অন্ধ্ৰপ্ৰদেশৰ মুখ্যমন্ত্ৰী চন্দ্ৰবাবু নাইডু, পশ্চিমবংগৰ মুখ্যমন্ত্ৰী মমতা বেনাৰ্জী আৰু কৰ্ণাটকৰ মুখ্যমন্ত্ৰী ছিদ্দাৰামাইয়াকো৷

দ্বিতীয় স্থানত চন্দ্ৰবাবু নাইডু, তৃতীয় মমতা বেনাৰ্জী

Mood of the Nation ৰ সমীক্ষা অনুসৰি অন্ধ্ৰ প্ৰদেশৰ মুখ্যমন্ত্ৰী চন্দ্ৰবাবু নাইডু ভাৰতৰ দ্বিতীয় শীৰ্ষ মুখ্যমন্ত্ৰী হিচাপে নিৰ্বাচিত কৰা হৈছে। আনহাতে এই ক্ষেত্ৰত পশ্চিমবংগৰ মুখ্যমন্ত্ৰী তিনি নম্বৰত আৰু কৰ্ণাটকৰ মুখ্যমন্ত্ৰী ছিদ্দাৰামাইয়া চতুৰ্থ স্থানত আছে। নাইডুৱে ৪৬.৯ শতাংশ ভোট লাভ কৰাৰ বিপৰীতে মমতা বেনাৰ্জীয়েও ৪৬.৯ আৰু চিদ্দাৰামাইয়াই ৩৮.৯ শতাংশ ভোট লাভ কৰিছে৷

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ