মুখত ঘাঁ হ’লে আমি বহু কষ্ট পাও। ইয়াৰ ফলত আমি কোনো খাদ্য ভালদৰে খাব নোৱাৰো। যদি কোনো জ্বলা-মছলাজাতীয় খাদ্য গ্ৰহণ কৰো তেন্তে সেই অংশত যথেষ্ঠ কষ্ট অনুভৱ কৰিবলগীয়া হয়। কিবা এটা খোৱাৰ লগে লগে জ্বলা-পোৰা আৰম্ভ হয়। যদিও এই ধৰণৰ ঘাঁ কিছু সময়ৰ পিছত নিজে নিজে ভাল হয়, তথাপিও থকালৈকে বিষ অব্যাহত থাকে। কিছুমানৰ ক্ষেত্ৰত মুখৰ ভিতৰৰ ঘাঁবোৰ ভাল হ’বলৈ বহু সময় লাগে। সেই ঘাঁ গৈ পিছলৈ মাউথ আলচাৰলৈ পৰিণত হ’ব পাৰে। কেতিয়াবা তাতকৈও ভয়ংকৰ ৰোগ হোৱাৰ সম্ভাৱনা থাকে। গতিকে, বিপদ বৃদ্ধি হোৱাৰ আগতে সাৱধান হোৱাটো প্ৰয়োজন। মুখৰ ভিতৰৰ ঘাঁ নিৰাময়ৰ বাবে কিছুমান ঘৰুৱা উপায় আছে।
মুখৰ আলচাৰ বা ঘাঁ কেনেকৈ ভাল কৰিব?
মৌ
মৌৰ প্ৰাকৃতিক প্ৰদাহ নিবাৰণ আৰু বেক্টেৰিয়া প্ৰতিৰোধী গুণ আছে। বিষ কমোৱাত সহায় কৰে আৰু ঘা সোনকালে ভাল হয়।
হালধি
হালধি এবিধ শক্তিশালী এন্টিচেপ্টিক। ইয়াৰ কাৰকুমিন যৌগটোৰ এন্টিমাইক্ৰ’বিয়াল গুণ আছে। যিকোনো ধৰণৰ ঘা, আঘাত বা সংক্ৰমণ প্ৰতিৰোধ আৰু বিষ কমোৱাত ই অতি উত্তম কাম কৰে।
নাৰিকল তেল
নাৰিকল তেলে ঘাঁৰ ওপৰত সুৰক্ষামূলক স্তৰ সৃষ্টি কৰি বিৰক্তি আৰু বিষ কমায়।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
