অসম লাইভ ২৪ঃ কেন্দ্ৰই ‘অগ্নিপথ আঁচনি’ আৰম্ভ কৰাত ‘অগ্নিবীৰ’ৰ চাকৰিকাল আৰু পেঞ্চনৰ বিষয়টো চৰ্চালৈ আহিছিল আৰু ইয়াৰ বাবেই সাংসদসসকলৰ পেঞ্চন সম্পৰ্কে প্ৰশ্ন উত্থাপন হৈছিল৷ চৰ্চা হৈছিল যে যদি সাংসদক পেঞ্চন দিব পাৰি, তেন্তে অগ্নিবীৰক নোৱাৰি কিয়? আনকি সাংসদ-বিধায়কক পেঞ্চন দিয়াৰ পৰিৱৰ্তে অগ্নিবীৰক দিব লাগে বুলিও চৰ্চিত হৈছিল৷ আনকি বিজেপি সাংসদ বৰুণ গান্ধীয়ে প্ৰশ্ন উত্থাপন কৰিছিল যে দেশপ্ৰেমিক সাংসদে পেঞ্চন ত্যাগ কৰি চৰকাৰৰ বোজা কমাব নোৱাৰে নেকি? কেৱল এয়াই নহয় সাংসদগৰাকীয়ে আৰু কৈছিল যে যদি ৰাষ্ট্ৰৰ ৰক্ষকে পেঞ্চন পোৱাৰ অধিকাৰ নাই, তেন্তে মই নিজেই পেঞ্চন এৰি দিবলৈ সাজু৷ এইটোও চৰ্চা চলিছিল যে বহু সাংসদে নিজৰ কাৰ্যকাল সম্পূৰ্ণ নকৰে, তাৰ পিছতো তেওঁলোকক পেঞ্চনৰ সুবিধা দিয়া হয়৷
এইটোও পঢ়ক
হিন্দু যুৱকৰ প্ৰেমত বিবাহিত মুছলিম মহিলা, থাকিল লিভ-ইনতো৷ তাৰ পিছত ঘটিল এই ঘটনা…
কিন্তু শেহতীয়াভাৱে এক আৰটিআই কৰ্মীয়ে কৰা RTIত পোহৰলৈ আহিছে যে দেশৰ কিমান প্ৰাক্তন সাংসদে পেঞ্চনৰ সুবিধা পায় আৰু তেওঁলোকৰ পেঞ্চনৰ নামৰ মাহেকত চৰকাৰৰ কিমান টকা খৰচ হয়৷ আইৰটিআই কৰ্মীজনে RTI যোগে প্ৰশ্ন কৰিছিল যে দেশৰ পেঞ্চন লাভ কৰা প্ৰাক্তন সাংসদৰ মুঠ সংখ্যাৰ লগতে ব্ৰেকআপৰ সবিশেষ দিব লাগে৷ ইয়াৰ বাহিৰেও এমাহত বিভিন্ন প্ৰাক্তন সাংসদক বিতৰণ কৰা মুঠ পেঞ্চনৰ পৰিমাণো ক’ব লাগে। RTIৰ উত্তৰত লোকসভা সচিবালয়ে জনায় যে দেশৰ ১৯৯১ জন প্ৰাক্তন সাংসদে পেঞ্চন লাভ কৰি আছে৷ ইয়াৰ ভিতৰত ১৪৪৭ গৰাকী প্ৰাক্তন লোকসভাৰ সাংসদ আৰু ৫৪৪ গৰাকী প্ৰাক্তন ৰাজ্যসভাৰ সাংসদ৷ ইয়াৰ উপৰিও ২০২২ চনৰ মে’ মাহত চৰকাৰে পেঞ্চন/পৰিয়াল পেঞ্চনৰ বাবে ৬.২৮ কোটি টকা প্ৰদান কৰিছে বুলি লোকসভা সচিবালয়ে জানিবলৈ দিয়ে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
