এটা মন্তব্যই বিপদ মাতিছে বিধায়ক মৃণাল শইকীয়ালৈ৷ ভাৰতীয় জনতা পাৰ্টীৰ মজিয়াত কৰোবাত যেন এলাগী হৈছে খুমটাইৰ বিধায়ক মৃণাল শইকীয়া৷ বিলাসীপাৰাত মৃণাল শইকীয়া বিৰুদ্ধে এজাহাৰ দাখিল কৰিছে আক্ৰাছু, নাথ যোগী ছাত্ৰ সন্থা, গৰিয়া মৰিয়াকে ধৰি কেইবাটাও সংগঠনে৷
বিধায়ক মৃণাল শইকীয়াৰ বিৰুদ্ধে অবিভক্ত গোৱালপাৰা জিলা আক্ৰাছু, নাথ যোগী ছাত্ৰ সন্থা, গৰিয়া মৰিয়াকে ধৰি কেইবাটাও দল সংগঠনে এজাহাৰ দাখিল কৰিছে৷ আনহাতে শ্ৰীমন্ত শংকৰদেৱ যুৱ মঞ্চৰ বঙাইগাঁও জিলা সমিতিৰ সম্পাদকেও দাখিল কৰিছে এজাহাৰ। অসম বিভাজনমূলক মন্তব্যৰ বাবে এজাহাৰ দাখিল কৰিছে মৃণাল শইকীয়াৰ বিৰুদ্ধে।
বিধায়ক মৃণাল শইকীয়াই কৈছিল সংবাদ মাধ্যমৰ আগত কৰা মন্তব্যত কৈছিল, ‘আমি উজনি অসমৰ মানুহ স্বাভিমানী। আমি নামনিৰ মানুহ নহয়। আমাৰ ইয়াত তেল আছে, চাহপাত আছে, কয়লা আছে, আমিয়েইতো নামনিক চলাই আছো। আমি ইমান Pride থকা জাতি এটাক মাহেকত ১২৫০টা দিছে, আমাক ভোটে দিয়া কৈছে৷ এয়া আমাৰ Prideক আঘাত কৰা হ’ল।’
মৃণাল শইকীয়া ওপৰত দিয়া এজাহাৰৰ খবৰ ভাইৰেল হৈ পৰাৰ পাছতেই বিধায়কগৰাকীয়ে নিজৰ টুইটাৰ একাউণ্টৰ বায় সলনি কৰিছে৷ পূৰ্বে কেৱল মৃণাল শইকীয়া বুলি থকা একাউণ্ট পৰিচয়ত এতিয়া মৃণাল শইকীয়াই সংযোগ কৰিছে From Upper Assam.
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
