ৰিলায়েন্স ইণ্ডাষ্ট্ৰীজ লিমিটেডে সোমবাৰে দেশৰ মেট্ৰ’ চহৰসমূহত জিঅ’ ৫জি মুকলি কৰাৰ কথা ঘোষণা কৰিছে কোম্পানীটোৰ ৪৫ সংখ্যক বাৰ্ষিক সাধাৰণ সভাত ভিডিঅ’ কনফাৰেন্সিঙৰ জৰিয়তে দিয়া ভাষণত মুকেশ আম্বানীয়ে এই কথা ঘোষণা কৰে।
আম্বানীয়ে কয় যে কম খৰচত 5G ব্ৰডবেণ্ড সেৱা আগবঢ়োৱা হ’ব। ইয়াৰ লগতে এটা সংযোগ সুবিধাও দিয়া হ’ব। ইয়াৰ জৰিয়তে ১০ কোটি ঘৰ লোকে সংযোগ কৰিব পৰাবি বুলিও তেওঁ সদৰী কৰিছে।
আম্বানীৰ মতে চলিত বৰ্ষৰ দীপাৱলীৰ পৰা দেশত আৰম্ভ হ’ব Jio 5G সেৱা। মুকেশ আম্বানীয়ে জনাইছে যে প্ৰথম অৱস্থাত দিল্লী, মুম্বাই, চেন্নাই আৰু কলকাতাত জিঅ’ ৫জিৰ সেৱা আৰম্ভ কৰা হ’ব। দীপাৱলীৰ ভিতৰত দিল্লী, মুম্বাই, কলকতা আৰু চেন্নাইত 5G সেৱা আৰম্ভ হ’ব বুলি আম্বানীয়ে জনাইছে।
লগতে পঢ়ক লোমহৰ্ষক হত্যাকাণ্ড! মাতৃ, পত্নী আৰু কন্যাসহ ৫ গৰাকী লোকক শিৰচ্ছেদ কৰি হত্যা
অৱশ্যে সমগ্ৰ দেশতে Jio 5G সেৱা আগবঢ়াবলৈ আৰু কিছু সময় লাগিব। আম্বানীৰ মতে, ২০২৩ চনৰ ডিচেম্বৰৰ ভিতৰত সমগ্ৰ দেশতে কোম্পানীটোৱে 5G সেৱা আৰম্ভ কৰিব। এজিএমৰ সময়ত তেওঁ জনাইছে যে কোম্পানীয়ে ৰিলায়েন্স জিঅ’ 5G সেৱাৰ বাবে আন্তঃগাঁথনি প্ৰস্তুত কৰি তুলিছে।
উল্লেখযোগ্য যে 5G স্পেকট্ৰম নিলামৰ সময়ত ৰিলায়েন্সে সৰ্বোচ্চ স্পেকট্ৰম ক্ৰয় কৰিছে। ৰিলায়েন্সৰ মুৰব্বীগৰাকীয়ে কয় যে, জিঅ’ই বিশ্বৰ আটাইতকৈ দ্ৰুত 5G ৰোলআউটৰ পৰিকল্পনা কৰিছে।
আম্বানীৰ মতে, ২০২৩ চনৰ শেষৰ ফালে ভাৰতৰ প্ৰতিখন চহৰ, তালুকা আৰু তহচিলত জিঅ’ৰ 5G সেৱা উপলব্ধ হ’ব। ইফালে Jio 5G প্লেন কিমান সস্তা বা ব্যয়বহুল হ’ব সেই সম্পৰ্কে স্পষ্ট তথ্য এতিয়াও প্ৰকাশ কৰা হোৱা নাই। অৱশ্যে মুকেশ আম্বানীয়ে তেওঁৰ ভাষণত বহুবাৰ Affordable 5G ৰ কথা কোৱা শুনা গৈছে। ইয়াৰ পৰা স্পষ্ট হৈ পৰিছে যে Jio 4G তকৈ Jio 5G প্লেন ব্যয়বহুল নহ’বও পাৰে!
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
