আমেৰিকা ভ্ৰমণত ৩৮ কোটি, ৰাছিয়া ভ্ৰমণত ১৬ কোটি, মোদীৰ বিদেশ যাত্ৰাত কিমান খৰচ হৈছে চৰকাৰৰ? জানক প্ৰধানমন্ত্ৰী মোদী আৰু প্ৰাক্তন প্ৰধানমন্ত্ৰী মনমোহন সিঙৰ বিদেশ ভ্ৰমণৰ খৰচৰ পাৰ্থক্য

২০২৩ বৰ্ষত আমেৰিকা যাত্ৰাত প্ৰধানমন্ত্ৰী নৰেন্দ্ৰ মোদীৰ খৰচ আছিল ২২ কোটি ৮৯লাখ৷ ২০২২ চনত নেপাল ভ্ৰমণত খৰচ হৈছিল ৮০ লাখ ১ হাজাৰ টকা৷ তিনিবছৰৰ ভিতৰত প্রধানমন্ত্ৰী মোদীয়ে মুঠ ৩৮বাৰ বিদেশ যাত্ৰা কৰিছে৷ তাৰভিতৰত ৩৪ খন দেশ৷ ২০২২ চনৰ মোদীয়ে যাত্ৰা কৰিছে ৮খন দেশ, ২০২৩ চনত ১০ খন দেশ আৰু ২০২৪ চনত গৈছে ১৬খন দেশলৈ৷ ২০২২ চনত ১০ বাৰ বিদেশ যাত্ৰাত প্ৰতিবাৰৰ গড় খৰচ ৫.৬ কোটি টকা৷ ২০২৩ চনত ১১ বাৰৰ গড় খৰচ ৮.৫কোটি টকা৷ আৰু ২০২৪ চনত ১৭ বাৰ বিদেশ ভ্ৰমণৰ প্ৰতিবাৰৰ গড় খৰচ ৬.৪ কোটি টকা৷

উল্লেখ্য যে ২০২২ চনত প্ৰধানমন্ত্ৰী নৰেন্দ্ৰ মোদীৰ জাৰ্মানী, ডেনমাৰ্ক, ফ্ৰান্স, নেপাল, জাপান, সংযুক্ত আৰৱ আমিৰশাহী, উজবেকিস্তান আৰু ইন্দোনেছিয়া৷ ২০২৩ চনত তেওঁৰ যাত্ৰাৰ তালিকাত আছিল পাপুৱা নিউগিনি, অষ্ট্ৰেলিয়া, জাপান, আমেৰিকা, ইজিপ্ট, ফ্ৰান্স, সংযুক্ত আৰৱ আমিৰশাহী, দক্ষিণ আফ্ৰিকা, গ্ৰীচ আৰু ইন্দোনেছিয়া৷ সংযুক্ত আৰৱ আমিৰশাহী, ভুটান, ইটালী, অষ্ট্ৰেলিয়া, ৰাছিয়া, পোলেণ্ড, ব্ৰুনেই, দাৰুছালাম, আমেৰিকা, ছিংগাপুৰ, লাউছ, নাইজেৰিয়া, ব্ৰাজিল, গুৱানা আৰু কুৱেইট গৈছে ২০২৪ চনত৷

সাধাৰণতে ভাৰতৰ প্ৰধানমন্ত্ৰীয়ে বিদেশ যাত্ৰা কৰিছে বিশেষ এয়াৰ ইণ্ডিয়া ৱান বিমানত৷ যি ইণ্ডিয়ান এয়াৰ ফৰ্ছৰ স্পেছিয়েল স্কোয়াড্ৰণ টিমৰ দ্বাৰা নিয়ন্ত্ৰিত৷ ২০১৬ চনৰ বোয়িং-৭৭৭-৩০০ই আৰ ফ্লাইট ব্যৱহাৰ কৰা হয় প্রধানমন্ত্ৰী বিদেশ যাত্ৰাত৷ নমোৰ সৈতে বিদেশ যাত্ৰাত থাকে পি এম অৰ উচ্চপদস্ত কেইবাজনো বিষয়া, একাধিক কেন্দ্ৰীয় মন্ত্ৰী৷ বেছিভাগ ক্ষেত্ৰতেই লগত থাকে বিদেশ মন্ত্ৰী বা বিদেশ প্ৰতিমন্ত্ৰী৷ ইয়াৰোপৰি নিৰাপত্তাৰ বাবে থাকে স্পেচিয়েল প্ৰটেকছন গ্ৰুপ৷

প্ৰয়াত প্ৰাক্তন প্ৰধানমন্ত্ৰী ডঃ মনমোহন সিঙৰ বিদেশ যাত্ৰাত খৰচৰ তথ্যও বিদেশ প্ৰতিমন্ত্ৰীয়ে ৰাজ্যসভাৰ অধিবেশনত তুলি ধৰিছে৷ জনোৱা হৈছে ২০১১ চনত প্ৰয়াত প্ৰাক্তন প্ৰধানমন্ত্ৰীৰ মাৰ্কিন যুক্তৰাষ্ট্ৰ যাত্ৰাত খৰচ হৈছিল ১০ কোটি ৭৪ লাখ টকা৷ ২০১৩ চনত তেওঁ ৰাছিয়া যাত্ৰাৰ খৰচ আছিল ৯ কোটি ৯৫ লাখ টকা৷ ২০১১ চনত ফ্ৰান্স যাত্ৰাত খৰচ কৰিছিল ৮ কোটি ৮৩ লাখ টকা আৰু ২০১৩ চনৰ জাৰ্মান সফৰৰ খৰচ আছিল ৬ কোটি ২ লাখ টকা৷