অসম লাইভ২৪ঃ কোৱাণ্টাম টাইম ট্ৰেভেলক লৈ সকলোৰে আছে বিশেষ কৌতুহল৷ কমিকথ বা এভেঞ্জাৰ্ছৰ চিনেমাত এই ধৰণৰ দৃশ্য বহুতেই দেখুৱাই৷ তাৎক্ষণিক বিনোদনত দেখুওৱা এই টাইম ট্ৰেভেল সঁচায়ে সম্ভৱ নেকি? যদি সম্ভৱেই নহয় তেন্তে মানুহৰ কল্পনাত যুগ যুগ ধৰি এই কথা কিয় সোমাই আছে? উত্তৰ এটাই Quantum Technologyৰ সহায়তেই এই সপোন দেখা আৰম্ভ কৰিছে বিশ্ববাসীয়ে৷ এই কোৱাণ্টাম প্ৰযুক্তিৰ গৱেষণাৰ বাবে এইবাৰ অগ্ৰণী ভূমিকা লৈছে মোদী নেতৃত্বাধীন চৰকাৰেও৷ কোৱাণ্টামৰ বিষয়ে গৱেষণা কৰিবৰ বাবেই কোৱাণ্টাম মিছন ঘোষণা কৰিছে ভাৰতে৷ এই প্ৰকল্পৰ বাবে ৬০০৩ কোটি টকা খৰচ কৰাৰো সিদ্ধান্ত লৈছে কেন্দ্ৰীয় কেবিনেটে৷
কি থাকিব এই ৬০০০ কোটি টকীয়া প্ৰকল্পত?
NQM প্ৰকল্পৰ অধীনত ৮ বছৰৰ ভিতৰত ১০০০ কিউবিটৰ কোৱাণ্টাম কম্পিউটাৰ গঢ়ি তোলাৰ লক্ষ্য বান্ধি লৈছে মোদী নেতৃত্বাধীন চৰকাৰে৷ এই কোৱাণ্টাম কম্পিউটাৰ আমাৰ লেপটপ নহয়৷ ইয়াতকৈ ১০০ গুণতকৈ অধিক ক্ষমতাশালী হ’ব৷ পদাৰ্থবিজ্ঞানৰ কোৱাণ্টাম মেকানিক্স অনুসৰি এয়া তৈয়াৰ কৰা হ’ব৷ প্ৰাথমিক অৱস্থাত গৱেষণাৰ সময়ত ৫০-১০০ কিউবিট আৰু ধীৰে ধীৰে এই ক্ষমতা বঢ়াই ১০০০ কিউবীটৰ কোৱাণ্টাম কম্পিউটাৰ পৰ্যন্ত কৰা হ’ব৷ উল্লেখ্য যে ২০২০ চনৰ বাজেটতেই এই প্ৰকল্পৰ ঘোষণা কৰিছিল মোদী চৰকাৰে৷ সেই সময়ত প্ৰকল্পৰ ম্যাদ ৫ বছৰ ধাৰ্য্য কৰিছিল মোদী চৰকাৰে৷ বাজেটো তুলনাত বেছি আছিল৷ চলিত বছৰৰ এপ্ৰিলৰ তুলনাত কম খৰচতেই এইয়া সম্ভৱ হ’ব বুলিও জনাইছে বিজ্ঞানীয়ে৷
কোৱাণ্টাম কম্পিউটাৰ কি বস্তু?
সহজ ভাষাত ক’বলৈ হ’লে বৰ্তমান চলি থকা কম্পিউটাৰতকৈ এই কম্পিউটাৰৰ কাৰ্যক্ষমতা ১০০ লাখ কোটি গুণ দ্ৰুততৰ হ’ব৷ এয়া এনে এক প্ৰযুক্তি যি হেক কৰাও অসম্ভৱ৷ ইয়াৰ মাধ্যমেৰে কোনো তথ্যৰ গৱেষণা আৰু বিশ্লেষণো সম্ভৱ৷ নিখুত আৰু নিৰাপদো৷ চুপাৰ কণ্ডাক্টিং আৰু ফ’টনিক প্ৰযুক্তিৰ বিভিন্ন বিষয়ৰ বাবে এই কোৱাণ্টাম কম্পিউটাৰ উপযোগী হৈ পৰিব৷ উন্নততৰ আৰু অধিক গতিসম্পন্ন কম্পিউটাৰ তৈয়াৰ কৰাটোৱেই কোৱাণ্টাম প্ৰযুক্তিৰ লক্ষ্য৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
