অসম লাইভ ২৪ঃ নেপালৰ পিছত এইবাৰ ড্ৰেগনৰ হাতোৰা প্ৰসাৰিত হ’ল বাংলাদেশত। পহিলা জুলাইৰ পৰা বাংলাদেশলৈ ৰপ্তানিকৃত ৯৭ শতাংশ পণ্যৰ কোনো সীমাশুল্ক ধাৰ্য নকৰাৰ প্ৰতিশ্ৰুতি দিছে চীনে।বিগত দেওবাৰে চীনে ঘোষণা কৰিছিল যদি কৰোনা ভাইৰাছ সংক্ৰমণ প্ৰতিৰোধৰ বাবে কোনো প্ৰতিষেধক চীনে তৈয়াৰ কৰে তেন্তে তেওঁলোকে বাংলাদেশক অগ্ৰাধিকাৰ দিব। উল্লেখ্য যে নেপালৰ দৰে ভাৰতৰ সৈতে বাংলাদেশৰো গভীৰ অৰ্থনৈতিক আৰু সাংস্কৃতিক সম্বন্ধ আছে। আন্তঃৰাষ্ট্ৰীয় ক্ষেত্ৰত সদায়ে বাংলাদেশে ভাৰতক সমৰ্থন কৰি আহিছে। এনে ক্ষেত্ৰত হাছিনা চৰকাৰে চীনৰ এই টোপ গ্ৰহণ কৰিব নে নকৰিব, সেয়া অৱশ্যে এই পৰ্যন্ত পৰিষ্কাৰ হোৱা নাই। যদি চীনৰ প্ৰস্তাৱ বাংলাদেশে আদৰণি জনায় তেন্তে নেপালৰ দৰে ভাৰতৰ মূৰ কামোৰণি হৈ পৰিব নেকি বাংলাদেশো। সম্প্ৰতি এই প্ৰশ্নও উঠিছে বিভন্ন মহলত। পাকিস্তান চীনৰ মিত্ৰ দেশ।এই মিত্ৰ দেশৰ তালিকাত নতুনকৈ চামিল হৈছে নেপালৰ নাম। শ্ৰীলংকাতো হাতোৰা পেলাইছে সাম্ৰাজ্যবাদী চীনে। বাকী আছিল বাংলাদেশ। বাংলাদেশকো ক্ৰমাত্ গ্ৰাস কৰাৰ অভিপ্ৰায়ৰ প্ৰতিফলন হল সীমা শুল্ক ৰেহাইৰ ঘোষণা।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
