ভাৰতত নহয়, আমেৰিকাতে নিৰ্মাণ কৰক আইফোন- এপলৰ CEOক ট্ৰাম্পৰ পৰামৰ্শ
ভাৰত সন্দৰ্ভত আমেৰিকাৰ ৰাষ্ট্ৰপতি ড’নাল্ড ট্ৰাম্পৰ সুৰ বৰ্তমানে সলনি হৈছে। এতিয়া ট্ৰাম্পে এপলৰ চিইঅ’ টিম কুকক ভাৰতত আইফোনৰ কাৰখানা স্থাপন নকৰিবলৈ পৰামৰ্শ দিছে।
বৃহস্পতিবাৰে ট্ৰাম্পে কয় যে তেওঁ এপলৰ চিইঅ’ টিম কুকক ভাৰতলৈ এপলৰ নিৰ্মাণ কাৰখানা স্থানান্তৰিত কৰাৰ পৰিৱৰ্তে আমেৰিকাতে নিৰ্মাণত মনোনিৱেশ কৰিবলৈ পৰামৰ্শ দিছে।
বিগত পাঁচ বছৰত ভাৰতে আইফোন উৎপাদনৰ এক প্ৰধান কেন্দ্ৰ হিচাপে আত্মপ্ৰকাশ কৰিছে। যোৱা এবছৰত এপলে ভাৰতত ৬০ শতাংশ অধিক ফোন নিৰ্মাণ কৰিছিল।
যাৰ বাবেই ট্ৰাম্পে এপলৰ চি ই অক কয় যে, ভাৰত বিশ্বৰ ভিতৰতে সৰ্বাধিক শুল্ক থকা দেশসমূহৰ ভিতৰত অন্যতম, আৰু ইয়াত যিকোনো বস্তু বিক্ৰী কৰাটো অতি কঠিন।
আমেৰিকাৰ ৰাষ্ট্ৰপতিগৰাকীয়ে কয় যে সমগ্ৰ বিশ্বতে আইফোন আৰু মেকবুক অতি জনপ্ৰিয় এপলে এতিয়া আমেৰিকাত নিজৰ উৎপাদন বৃদ্ধি কৰিবলৈ ওলাইছে।
বৰ্তমান ভাৰতত এপলৰ তিনিটা উদ্যোগ আছে – তামিলনাডুত ২টা আৰু কৰ্ণাটকত এটা। ইয়াৰে এটা ফক্সকনে পৰিচালনা কৰে, আনহাতে বাকী দুটা টাটা গ্ৰুপে পৰিচালনা কৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
