অসম লাইভ ২৪ঃ মুখ্যমন্ত্ৰী পদৰ পৰা পদত্যাগ কৰে গুজৰাটৰ মুখ্যমন্ত্ৰী বিজয় ৰূপানীয়ে৷ শনিবাৰে এক সংবাদমেলযোগে এই কথা ঘোষণা কৰে ৰূপানীয়ে৷ ২০১৬ চনৰ আগষ্টত মুখ্যমন্ত্ৰী পদ লাভ কৰিছিল ৰূপানীয়ে৷ তেওঁৰ নেতৃত্বতেই ২০১৭ চনত বিঘানসভা নিৰ্বাচনত ৰাজ্যখনত জয়ী হৈছিল বিজেপি৷ পদত্যাগৰ সময়ত তেওঁ কয়, ‘সময়ৰ লগে লগে সকলো সলনি হয়, এতিয়া এই দায়িত্ব অন্য এজনে গ্ৰহণ কৰিব৷ মোক দলে যি দায়িত্ব দিয়ে মই সেয়াই গ্ৰহণ কৰিম’৷ আনহাতে, ১৩ ছেপ্টেম্বৰত ৰূপানীয়ে অনুষ্ঠিত কৰিছে নিলাম কাৰ্যসূচী৷ নিলাম কৰিব তেওঁৰ কাৰ্যকালত লাভ কৰা উপহাৰসমূহ৷ ১৩ ছেপ্টেম্বৰত আহমেদাবাদত অনুষ্ঠিত হ’ব এই নিলাম প্ৰক্ৰিয়া৷ নিলামযোগে লাভ কৰা ধনৰাশি বালিকা প্ৰশিক্ষণ নিধিলৈ আগবঢ়াব গুজৰাটৰ মুখ্যমন্ত্ৰীগৰাকীয়ে৷ উল্লেখ্য, পূৰ্বে নৰেন্দ্ৰ মোদীয়ে নিলাম কৰিছিল নিজৰ উপহাৰ৷ সেই নিলামৰ ধন আগবঢ়াইছিল জন কল্যান নিধিলৈ৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
