এটাই লক্ষ্য, কষ্ট যিমান সম্ভৱ কমকৈ দিয়া! ছুপ্ৰিম কৰ্টৰ নিৰ্দেশত এইমছত হৰিশ ৰানাৰ ইচ্ছামৃত্যুৰ প্ৰক্ৰিয়া সম্পন্ন কৰাৰ পদ্ধতি আৰম্ভ হৈছে৷ তেওঁৰ জীৱন ৰক্ষাকাৰী ব্যৱস্থা, যাৰ মাজত ফিডিং টিউব আৰু ভেণ্টিলেটৰ খুলি দিয়া হৈছে৷ হাস্পতাল সূত্ৰৰ পৰা জনা গৈছে যে বিগত ১৩ বছৰ ধৰি ক’মাত থকা হৰিশ ৰানাক এতিয়া জেনেৰেল বেডলৈ স্থানান্তৰ কৰা হৈছে৷ বৰ্তমান হৰিশ ৰানাৰ অৱস্থা স্থিতিশীল৷ ছুপ্ৰিম কৰ্টে হৰিশ ৰানাক ইচ্ছামৃত্যুৰ অনুমতি দিয়াৰ পাছত এইমছৰ এক মেডিকেল বৰ্ডে তেওঁৰ অৱস্থা পৰ্যবেক্ষণ কৰিছে৷ হৰিশ ৰানাৰ ফিডিং টিউব যদিও খুলি দিয়া হৈছে চিকিৎসকে এতিয়াও কিন্তু তেওঁৰ মস্তিষ্কৰ বাবে আৰামদায়ক ঔষধ দি আছে৷ হৰিশ ৰানাৰ পিতৃ-মাতৃকো কাউন্সেলিং কৰি থকা হৈছে৷ হেলথ এণ্ড মি সহ বিভিন্ন সংবাদমাধ্যমৰ প্ৰতিবেদন অনুসৰি গাজিয়াবাদৰ পৰা হৰিশ ৰানাৰ পিতৃ-মাতৃ আৰু ভায়েকক প্ৰতিদিনেই কাউন্সেলিং কৰোৱা হৈছে৷ তেওঁলোকো এইমছত আছে৷ এইমছৰ এনাস্থেচিয়া আৰু পেলিয়েটিভ মেডিছিন বিভাগৰ প্ৰধান চিকিৎসক সীমা মিশ্ৰৰ নেতৃত্বত এটা দলে হৰিশ ৰানাৰ পেছিভ ইউথানেছিয়া প্ৰক্ৰিয়া সম্পন্ন কৰিছে৷
ৰোগীৰ বিষ কমোৱাৰ বাবে কৰা হৈছে বিশেষ ব্যৱস্থা৷ দিল্লীৰ AIIMS-ৰ অংকো এনাস্থেচিয়া বিভাগৰ প্ৰাক্তন প্ৰধান চিকিৎসক সুষমা ভাটনাগৰৰ মতে এই প্ৰক্ৰিয়াত সাধাৰণতে ধীৰে ধীৰে পুষ্টি সহায়তা বন্ধ কৰা হয় আৰু বিষ নূন্যতম ৰখাটো নিশ্চিত কৰা হয়৷
ভাটনাগৰৰ মতে ৰোগীৰ মৃত্যু যন্ত্ৰণাৰ বাবে উপশমমূলক এনাষ্টেচিয়া দিয়া হয়৷ কৃত্ৰিম পুষ্টি, অক্সিজেন আৰু ঔষধৰ দৰে জীৱন ৰক্ষাকাৰী ব্যৱস্থাসমূহ ধীৰে ধীৰে আঁতৰাই দিয়া হয়৷ ইয়াৰ লক্ষ্য হৈছে মৃত্যুক দীৰ্ঘায়িত কৰা বা ত্বৰান্বিত কৰা কোনোটোৱে নহয়৷
সৰ্বোত্তম স্বাৰ্থ নীতি কি?
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
