অপৰাধমুক্ত মহানগৰীৰ পৰিকল্পনা! অপৰাধ নিয়ন্ত্ৰণৰ বাবে কি কি ব্যৱস্থাৰ কথা ঘোষণা মুখ্যমন্ত্ৰীৰ?

অসম লাইভ২৪ঃ
মহানগৰীত অপৰাধৰ ঘটনা বৃদ্ধি পোৱাৰ কথা নিজমুখেই স্বীকাৰ কৰিছে মুখ্যমন্ত্ৰী হিমন্ত বিশ্ব শৰ্মাই।
বিগত ডিচেম্বৰ মাহত মহানগৰীত অপৰাধৰ সংখ্যা বৃদ্ধি পাইছে।
গুৱাহাটী মহানগৰীৰ অপৰাধ নিয়ন্ত্ৰণৰ বাবে বিধানসভাত এখন আইন গৃহীত কৰা হ’ব বুলিও প্ৰকাশ কৰিছে মুখ্যমন্ত্ৰীয়ে।
মুখ্যমন্ত্ৰীয়ে কয় যে অপৰাধ নিয়ন্ত্ৰণৰ বাবে মহানগৰীত ৫ জনকৈ অধিক কৰ্মচাৰী থকা ব্যৱসায়িক প্ৰতিষ্ঠানে চৰকাৰৰ বিধি পালন কৰি লগাব লাগিব CCTV কেমেৰা।
পথৰ ফালে মুখ কৰি ব্যৱসায়িক প্ৰতিষ্ঠানে নিজৰ খৰছত এই CCTV কেমেৰা লগাব লাগিব বুলি মন্তব্য কৰে মুখ্যমন্ত্ৰীয়ে।
লগতে কয় যে, প্ৰতিষ্ঠানসমূহে লগোৱা চিচিটিভি কেমেৰা চৰকাৰৰ দ্বাৰা অনুমোদিত হ’ব লাগিব।
মুখ্যমন্ত্ৰীয়ে হায়দৰাবাদৰ উদাহৰণ দাঙি ধৰি কয় যে হায়দৰাবাদত চৰকাৰে ৪ হাজাৰ কেমেৰা লগাইছে, কিন্তু জনতাই সহযোগিতা আগবঢ়াই নিজৰ খৰছত লগাইছে ৩ লাখ ৯৬ হাজাৰ চিচিটিভি কেমেৰা।
আগন্তুক ডিচেম্বৰ মাহলৈ মহানগৰীত ১ লাখ চিচিটিভি কেমেৰা লগোৱাৰ লক্ষ্যৰ কথাও সদৰী কৰে মুখ্যমন্ত্ৰী শৰ্মাই।

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ