অসম লাইভ ২৪ঃ ৰাজ্য চৰকাৰে জাৰি কৰে নতুন SOP। ৰাজ্যৰ কোভিড পৰিস্থিতিৰ প্ৰতি লক্ষ্য ৰাখি স্বাস্থ্যমন্ত্ৰী কেশৱ মহন্তই সংবাদমেলযোগে ঘোষণা কৰে কেতবোৰ নতুন নীতি-নিৰ্দেশনা। এইবাৰ SOP তিনিটা ভাগত বিভক্ত কৰা হৈছে। ৭ খন জিলাত এসপ্তাহৰ বাবে সম্পূৰ্ণ লকডাউন। গোৱালপাৰা, গোলাঘাট, যোৰহাট, লখিমপুৰ, বিশ্বনাথ, শোণিতপুৰ, মৰিগাঁও সন্ধিয়া ৫ বজালৈ খোলা থাকিব গেলামালৰ দোকান। নলবাৰী, তিনিচুকীয়া, কাছাৰ, কৰিমগঞ্জ, ডিব্ৰুগড়, কোকৰাঝাৰ, বাক্সা, বজালী, কামৰূপ, দৰং, হোজাই, ধেমাজি, শিৱসাগৰ, কাৰ্বি আংলঙত পূৰ্বৰ দৰেই কাৰ্ফিউ থাকিব। কামৰূপ(ম) সন্ধিয়া ৫ বজাৰ পৰা কাৰ্ফিউ। ধুবুৰী, মাজুলী, বঙাইগাঁও, চিৰাং, ওদালগুৰি, পশ্চিম কাৰ্বি আংলং, ডিমা হাচাও, হাইলাকান্দি ৫ বজাৰ পৰা বন্ধ থাকিব। ৰাজ্যৰ ১৬ খন জিলাত বিয়লি ২ বজাৰ পৰা পুৱা ৫ বজালৈ কাৰ্ফিউ ঘোষণা। শিৱসাগৰ, ডিব্ৰুগড়তো থাকিব প্ৰশাসনৰ চোকা নজৰ। বন্ধ থাকিব আন্তঃজিলা যাতায়াত। সংবাদমেলযোগে মহানগৰবাসীক সাৱধান হ’বলৈ আহ্বান জনায় স্বাস্থ্যমন্ত্ৰী কেশৱ মহন্তই। বুধবাৰৰ ৰাজ্যত পৰা বলৱৎ হ’ব কোভিডৰ নতুন বিধি। ৫ বছৰৰ তলৰ শিশু থকা মাতৃও কৰিব ঘৰৰ পৰা কাম। কণ্টেইমেণ্ট জ’নত বিয়লি ৫ বজাৰ পৰা খুলিব গেলামালৰ দোকান। গেলামাল দোকানৰ সন্মুখত থাকিব পাচলি, ফল-মূলৰ দোকান। পূৰ্বৰ দৰেই sopত অন্তৰ্ভুক্ত নহয় জৰুৰী সেৱা।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
