অসম লাইভ ২৪ঃ জনপ্ৰিয় অভিনেতা নিপন গোস্বামীৰ স্বাস্থ্যৰ অৱনতি। গুৱাহাটিস্থিত নেমকেয়াৰ হাস্পতালত বয়োজ্যেষ্ঠ শিল্পীগৰাকীক ততাতৈয়াকৈ ভৰ্তি কৰোৱা হৈছে। গুৱাহাটীৰ নেমকেয়াৰ হাস্পতালৰ হৃদৰোগ বিভাগৰ ICU-ত ভৰ্তি কৰোৱা হৈছে শিল্পীগৰাকীক।
দীপাৱলীৰ দিনটোতেই হঠাতেই অসুস্থ হৈ পৰিছে বয়োজ্যেষ্ঠ অভিনেতাগৰাকী। অসমীয়া চলচ্চিত্ৰ জগতত ওতপ্ৰোতভাৱে জড়িত হৈ থকা অভিনেতাগৰাকীৰ স্বাস্থ্যৰ অৱনতি ঘটাক লৈ সামাজিক মাধ্যমত বিশেষ পষ্ট শ্বেয়াৰ কৰিছে অসম চলচ্চিত্ৰ বিত্ত আৰু উন্নয়ন নিগমৰ অধ্যক্ষ সীমান্ত শেখৰেও।
শিল্পীগৰাকীৰ আশু আৰোগ্য কামনা কৰি সীমান্ত শেখৰে লিখিছে,’অসমীয়া চলচ্চিত্ৰ জগতৰ মহীৰূহ শ্ৰদ্ধাৰ নিপন গোস্বামী ডাঙৰীয়াক স্বাস্থ্যৰ অৱনতি হোৱা বাবে গুৱাহাটীৰ নেমকেয়াৰ হস্পিতালৰ হৃদ ৰোগ বিভাগৰ ICU ত ভৰ্তি কৰোৱা হয়। তেখেতৰ স্বাস্থ্যৰ আশু আৰোগ্য কামনা কৰি আজিৰ পৱিত্ৰ দিপাৱলীৰ দিনটোত ঈশ্বৰৰ ওচৰত প্ৰাৰ্থনা কৰিলো। তেখেতে অতি সোনকালে আৰোগ্য হৈ পুনৰ অসমীয়া চলচিত্ৰ জগতলৈ অৱদান আগবঢ়াব বুলি আশা ৰাখিলো।’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
