ৰাজপথত কেইবাপাক খাই ১৮ মানুহেৰে সৈতে উফৰি পৰিল মিনি ট্ৰাক, পুৱাই নগাঁও জিলাত এই ঘটনা
পুৱাই নগাঁও জিলাত সংঘটিত হয় এক শিহৰণকাৰী ঘটনা। ১৮ মানুহেৰে সৈতে ৰাজপথতে উফৰি পৰিল এখন মিনি ট্ৰাক। কেইবাজনৰো অৱস্থা সংকটজনত।
জিলাখনৰ চামগুৰিৰ হাঁহচৰা-বৰালিগাঁৱত সংঘটিত হৈছে এই ভয়ংকৰ পথ দূৰ্ঘটনাটো। দুৰ্ঘটনাটোত আহত ১৮ জন, ৪ জনৰ অৱস্থা সংকটজনক।
নিয়ন্ত্ৰণ হেৰুৱাই ৰাজপথৰ ওপৰতে কেইবালুটি খালে এখন টাটা ম’বাইল মিনিট্ৰাক। দুৰ্ঘটনাটোৰ ফলত ৰাজপথৰ ওপৰত বহু দূৰলৈকে চিটিকি পৰে মিনিট্ৰাক খনত থকা ১৮জনকৈ লোক।
যাৰ ফলত বেয়াকৈ দুৰ্ঘটনাত পতিত হয় কেউগৰাকী লোক। সংকটজনক অৱস্থাত কেউগৰাকী লোককে ততাতৈয়াকৈ লৈ যোৱা হয় নগাঁৱলৈ।
ৰাইজৰ সহযোগত আহত সকলক উদ্ধাৰ কৰে আৰক্ষী আৰু অৰ্ধসামৰিক বাহিনীৰ জোৱান সকলে। উল্লেখ্য যে, দুৰ্ঘটনা সংঘটিত হোৱা সেই ঠাইত পূৰ্বৰে পৰা আৰক্ষী আৰু অৰ্ধসামৰিক বাহিনীৰ লোক উপস্থিত আছিল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
