অসম লাইভ২৪ঃ অৱশেষত যোগাযোগ স্থাপন সম্ভৱপৰ হৈ উঠিছে উত্তৰ ছিকিমৰ সৈতে৷ বিগত সপ্তাহৰ পৰাই উত্তৰ ছিকিমত ভয়াৱহ বানত আৱদ্ধ হৈ আছে বহু লোক৷ এই লোকসকলৰ মাজত আছে ১২০০ পৰ্যটকো৷ লেথাৰিকৈ হৈ থকা বৰষুণৰ বাবে ৰাস্তাঘাটো প্ৰায় ছিগি পৰিছে যাৰবাবে আৱদ্ধ লোকসকলক উদ্ধাৰ কৰিব পৰা নাছিল উদ্ধাৰকাৰী দলে৷ ছিকিম চৰকাৰে বিগত দেওবাৰে ঘোষণা কৰিছিল যে, যাত্ৰীসকলক উদ্ধাৰ কৰাৰ বাবে আকাশীপথেই শেষ ভৰসা৷ অৱশেষত যোগাযোগ স্থাপন কৰা সম্ভৱ হৈছে আৱদ্ধ যাত্ৰীৰ সৈতে৷ বৰ্ডাৰ ৰোড অৰ্গেনাইজেশ্ব্যনৰ পক্ষৰ পৰা জনোৱা হৈছে যে উত্তৰ ছিকিমৰ সৈতে পুনৰ সংযোগ স্থাপন সম্ভৱ হৈ উঠিছে৷ আৱদ্ধ যাত্ৰীক তাৎক্ষণিকভাৱে উলিয়াই অনাৰ কামো আৰম্ভ কৰিছে উদ্ধাৰকাৰী দলে৷
এই উদ্ধাৰ অভিযানৰ নাম দিছে স্বাস্তিক অপাৰেছন৷ ধাৰাসাৰ বৃষ্টিৰ মাজতেই চলিছে দুঃসাহসিক উদ্ধাৰ কাৰ্য চলাইছে BROই৷ প্ৰতিকূল পৰিস্থিতিৰ মাজত BROৰ অক্লান্ত প্ৰচেষ্টাত যোগাযোগ সম্ভৱ হৈ উঠিছে উত্তৰ ছিকিমৰ সৈতে৷ ৰাস্তাৰ পৰা ডাঙৰ ডাঙৰ শিলসমূহ আঁতৰাবলৈ একাধিক মেছিন আৰু শ্ৰমিক নিয়োগ কৰা হৈছে৷ অধিকাংশ ৰাস্তা বৰ্তমান মুকলিও হৈছে৷
উত্তৰ ছিকিমৰ ডিকচু, ছংলং-টুং, মংগন ছংলং, ছিংথাম ৰংৰাং টুং সংযোগকাৰী ৰাস্তসমূহ খহি পৰিছে৷ ইয়াৰ ফলত ১২০০-১৫০০ পৰ্যটক ছিকিমত আৱদ্ধ হৈ পৰিছিল৷ ছংলঙত নৱনিৰ্মিত ছাছপেঞ্চন ব্ৰিজ ভাঙি পৰি পৰিস্থিতি শোচনীয় হৈ উঠিছে৷ এই ব্ৰিজেই উত্তৰ ছিকিম আৰু জংগু অঞ্চলৰ মধ্য মূল সংযোগ স্থাপনকাৰী সেতু ভাঙি পৰিছিল৷ ইতিমধ্যেই আৱদ্ধ হৈ থকা পৰ্যটকসকলৰ মাজত প্ৰথমে ৫০জনক উদ্ধাৰ কৰিছে৷ চুংথাঙৰ পৰা মংগনলৈ অনা হৈছে পৰ্যটকসকলক৷ অন্য পৰ্যটকসকলকো উলিয়াই অনাৰ কাম অব্যাহত ৰাখিছে উদ্ধাৰকাৰী দলে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
