আজৱ-গজৱ অলিম্পিক, বিজেতাই লিফ্ট লৈ সম্পূৰ্ণ কৰিছিল মাৰাথান দৌৰ, অদ্ভুত ধৰণে খোলোচা
আজি ২৬ জুলাইৰ পৰা আৰম্ভ বিশ্বৰ সৰ্ববৃহৎ ক্ৰিড়া অনুষ্ঠান। ইতিমধ্যে আৰম্ভ হৈছে খেল। পাছে এই খেলতেই কেতিয়াবা কেতিয়াবা সংঘটিত হয় অতিকে আজৱ -গজৱ ঘটনা। কিন্তু তথাপি ৪ বছৰৰ বাবে অধীৰ আগ্ৰেহেৰে বাট চাই খেলুৱৈ সকলে এই খেলৰ বাবে। সেয়ে অলিম্পিক গেমছক ক্ৰীড়াৰ মহাকুম্ভ বুলি কোৱা হয়।
এই ক্ৰীড়াৰ ইতিহাস চেম্পিয়ন, অভিলেখ আৰু আচৰিত কাহিনীৰে ভৰি আছে। বহুতো ধেমেলীয়া, আৱেগিক আৰু দুখজনক কাহিনীও আছে ইয়াৰ মাজত। তাৰেই মাজৰ এক অদ্ভুত মাৰাথন দৌৰৰ বিষয়ে হয়তো খুউব কমে মানুহে জানে, যাক অলিম্পিক ইতিহাসৰ আটাইতকৈ আচৰিত অনুষ্ঠান বুলিও কোৱা হয়। এই মাৰাথনৰ ‘বিজয়ী’জনে গাড়ীত লিফ্ট লৈ দৌৰৰ আধা দূৰত্ব সম্পূৰ্ণ কৰিছিল। এই সমগ্ৰ বিষয়টো আৰু ইয়াৰ সত্যতা পাছত আচৰিত ধৰণে পোহৰলৈ আহে।
১৯০৪ চনত অনুষ্ঠিত হোৱা ছেইণ্ট লুইছ অলিম্পিকৰ এই কাণ্ড। কেৱল এটা বা দুটা নহয় এনে বহু অদ্ভুত ঘটনা এই মাৰাথনত সংঘটিত হৈছিল যাৰ বাবে এই অলিম্পিক মাৰাথনখন সদায় স্মৰণীয় হৈ থাকিব। এই ৩৯.৯৯ কিলোমিটাৰ দৌৰত অংশগ্ৰহণকাৰীসকলে দৌৰ সম্পূৰ্ণ কৰিবলৈ বিভিন্ন কৌশল অৱলম্বন কৰিছিল। ইয়াত ৩২ জন লোকে অংশগ্ৰহণ কৰিছিল যদিও মাত্ৰ ১৪ জন লোকেহে শেষ কৰিব পাৰিছিল। মাৰাথনৰ ক্ষেত্ৰত অলিম্পিকৰ ইতিহাসত এই সংখ্যা আছিল আটাইতকৈ কম। এই দৌৰ প্ৰথমে সমাপ্ত কৰা দৌৰবিদজনৰ নাম আছিল ফ্ৰেড লৰ্জ।
যেতিয়া লৰ্জক বিজয়ীৰ ট্ৰফী দিয়া হৈছিল, তেতিয়াৰ আমেৰিকাৰ ৰাষ্ট্ৰপতি এলিছ ৰুজভেল্টৰ কন্যাই নিজেই লৰ্জক প্ৰৱঞ্চনাৰ অভিযোগ উত্থাপন কৰি এই কাৰ্যসূচী বন্ধ কৰি দিছিল। পিছত গম পোৱা গ’ল যে মাৰাথনৰ সময়ত লৰ্জে ভৰিৰ পেশীৰ সমস্যাত ভুগিছিল আৰু মাৰাথনৰ প্ৰায় আধা অংশ লিফ্ট লৈ সম্পূৰ্ণ কৰিছিল।
ফিনিচিং লাইনৰ ঠিক আগতে লৰ্জে গাড়ীৰ পৰা জপিয়াই নামি শেষ লাইন পাৰ হৈ দৌৰি যায়। পিছত লৰ্জে অপমানৰ পৰা হাত সাৰিবৰ বাবে কয় যে, তেঁও কেৱল কৌতুক হিচাপেহে দৌৰ সম্পূৰ্ণ কৰিছিল , নাটকখন সম্পূৰ্ণ কৰাৰ কোনো বেয়া উদ্দেশ্য নাছিল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
