অসম লাইভ ২৪ঃ বিগত দিনকেইটাত অভাৱনীয় হাৰত বৃদ্ধি পাইছে অমিক্ৰণৰ সংক্ৰমণ৷ এই পৰ্যন্ত ৯৬১ লৈ বৃদ্ধি পাইছে সংক্ৰমণৰ ঘটনা৷ ইতিমধ্যে দেশৰ ২২ খন ৰাজ্য তথা কেন্দ্ৰীয় শাসিত অঞ্চললৈ সংক্ৰমিত হৈছে অমিক্ৰণ ভেৰিয়েণ্ট৷ ইয়াৰে সৰ্বাধিক আক্ৰান্তৰ সংখ্যা চিনাক্ত হৈছে ৰাজধানী দিল্লীত৷ দিল্লীৰ পাছতেই সৰ্বাধিক সংক্ৰমিত ৰাজ্য গৈছে মাহাৰাষ্ট্ৰ৷ মহাৰাষ্ট্ৰত সংক্ৰমণৰ সংখ্যা হৈছে ২৫২ টা৷ ইফালে দেশত দৈনিক ব্যাপক হাৰত বৃদ্ধি পাইছে কোভিড সংক্ৰমণৰ ঘটনা৷ বুধবাৰৰ দিনটোত দেশত নতুনকৈ কোভিড আক্ৰান্ত হৈছে ১৩,১৫৪ জন ব্যক্তি৷ দেশৰ শেহতীয়া কোভিড পৰিস্থিতিৰ প্ৰতি লক্ষ্য ৰাখি ৰাজ্যসমূহে জাৰি কৰিছে কেতবোৰ নিৰ্দেশনা৷ দিল্লীত আংশিক লকডাউন আৰম্ভ৷ মুম্বাইতো জাৰি কৰা হৈছে ১৪৪ ধাৰা৷ অসমতো ইতিমধ্যে কোভিডৰ বিৰুদ্ধে সতৰ্কতামূলক ব্যৱস্থা গ্ৰহণ কৰিছে ৰাজ্য চৰকাৰে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
